ഫ്‌ളാറ്റ് നിര്‍മ്മാണം: ചട്ടങ്ങളില്‍ ഇളവ് നല്‍കാന്‍ തീരുമാനം

തിരുവനന്തപുരം : ഫ്്‌ളാറ്റുകളക്കമുള്ള ബഹുനിലക്കെട്ടിടങ്ങളുടെ നിര്‍മാണത്തില്‍ അഗ്‌നിശമന ചട്ടങ്ങളിലും സുരക്ഷാകാര്യങ്ങളിലും ഇളവ് നല്‍കാന്‍ മന്ത്രിസഭായോഗം തീരുമാനിച്ചു. ബഹുനിലക്കെട്ടിടങ്ങളുടെ നിര്‍മാണത്തിന് ദേശീയ ബില്‍ഡിങ് നിയമം ബാധകമല്ലാതാക്കാനും കേരള മുന്‍സിപ്പല്‍ ചട്ടങ്ങള്‍ മാത്രം അനുസരിച്ചാല്‍ മതിയെന്നുമാണ് പുതിയ തീരുമാനം. ഇതുസംബന്ധിച്ച് ചീഫ് സെക്രട്ടറി അധ്യക്ഷനായ സമിതി നല്‍കിയ ശുപാര്‍ശ, നിയമവകുപ്പ് ശരിവെച്ചതിനെ തുടര്‍ന്നാണ് മന്ത്രിസഭ അംഗീകാരം നല്‍കിയത്.