ഫിഫ റാങ്കിങ്ങ്: ഇന്ത്യ ആദ്യ നൂറില്‍ത്തന്നെ; ജര്‍മനി തലപ്പത്ത്

സൂറിച്ച്: ഏറ്റവും പുതിയ ഫിഫ റാങ്കിങില്‍ ഇന്ത്യ ആദ്യ നൂറിനുള്ളിലെ സ്ഥാനം നിലനിര്‍ത്തി. 97ാം സ്ഥാനത്താണ് ഇന്ത്യയുള്ളത്. മാര്‍ച്ചില്‍ 99ാം റാങ്കിലെത്തിയ ഇന്ത്യ ഏപ്രില്‍ മാസത്തില്‍ നിലമെച്ചപ്പെടുത്തി 97ാം സ്ഥാനത്തേക്കെത്തുകയായിരുന്നു. ഈ വര്‍ഷം ഒരു അന്താരാഷ്ട്ര മല്‍സരം മാത്രമാണ് ഇന്ത്യ കളിച്ചത്. അതില്‍ പരാജയപ്പെടുകയും ചെയ്‌തെങ്കിലും റാങ്കിങില്‍ അത് പ്രതിഫലിച്ചില്ല. നിലവിലെ ലോക ചാംപ്യന്‍മാരായ ജര്‍മനി തന്നെയാണ് റാങ്കിങില്‍ തലപ്പത്ത്. ബ്രസീല്‍ രണ്ടാമതും ബെല്‍ജിയം മൂന്നാം സ്ഥാനത്തുമാണ്. അതേ സമയം അര്‍ജന്റീന അഞ്ചാം സ്ഥാനത്താണുള്ളത്.