ഫണ്ട് വിനിയോഗിക്കാന് തടസം നില്ക്കുന്ന 'മാക്രിക്കൂട്ടം' ആരാണെന്ന് സുരേഷ് ഗോപി വ്യക്തമാക്കണം:മുഖ്യമന്ത്രി
BY midhuna mi.ptk20 May 2017 11:51 AM GMT
X
midhuna mi.ptk20 May 2017 11:51 AM GMT
തിരുവനന്തപുരം: എംപി ഫണ്ട് വിനിയോഗിക്കാന് ഇടത്-വലത് മുന്നണികള് തടസം നില്ക്കുകയാണെന്ന സുരേഷ് ഗോപി എംപിയുടെ ആരോപണത്തിനെതിരെ മുഖ്യമന്ത്രി പിണറായി വിജയന് രംഗത്ത്. എംപി ഫണ്ട് വിനിയോഗിക്കാന് എന്തുതടസമാണുള്ളതെന്ന് സുരേഷ് ഗോപി വ്യക്തമാക്കണമെന്ന് മുഖ്യമന്ത്രി തന്റെ ഫെയ്സ്ബുക്ക് പോസ്റ്റില് ആവശ്യപ്പെട്ടു. ഫണ്ട് വിനിയോഗിക്കാന് 'മാക്രിക്കൂട്ടം' തടസം നില്ക്കുന്നുവെന്നാണ് അദ്ദേഹം ആരോപിച്ചത്. അത് ആരാണെന്ന് സുരേഷ് ഗോപി വ്യക്തമാക്കണം. ഫണ്ട് വിനിയോഗിക്കാതെ ഏത് പദ്ധതിയാണ് മുടങ്ങിയതെന്നും മുഖ്യമന്ത്രി ചോദിച്ചു. കണ്ണൂരിലെ സമാധാന ശ്രമങ്ങള് നാടകമാണ് എന്നാരോപിക്കുന്ന സുരേഷ്ഗോപി, ചര്ച്ചയില് പങ്കെടുത്ത ബിജെപി കേരള നേതൃത്വവും അഭിനയിക്കുകയാണെന്നാണോ ഉദ്ദേശിച്ചതെന്നും മുഖ്യമന്ത്രി തന്റെ ഫെയ്സ്ബുക്ക് പോസ്റ്റില് ചോദിച്ചു.
എംപി ഫണ്ട് വിനിയോഗിക്കുന്നതിന് ഇടത്-വലത് സഖ്യങ്ങള് തടസം നില്ക്കുകയാണെന്ന് കഴിഞ്ഞ ദിവസം സുരേഷ്ഗോപി എംപി ആരോപിച്ചിരുന്നു. കണ്ണൂരിലെ രാഷ്ട്രീയ കൊലപാതകങ്ങള് അവസാനിപ്പിക്കാന് പിണറായി വിജയന് നടത്തുന്ന സമാധാന ശ്രമങ്ങള് നാടകമാണോ എന്ന് സംശയമുണ്ടെന്നും അദ്ദേഹം പറഞ്ഞിരുന്നു.
ഫെയ്സ്ബുക്ക് പോസ്റ്റിന്റെ പൂര്ണ്ണരൂപം:
Dear Suresh Gopi please exercise political maturtiy and commitment to the development agenda of Kerala. ബിജെപി രാജ്യസഭാംഗം സുരേഷ് ഗോപി മുംബൈയില് ചെന്ന് കേരളത്തെ കുറിച്ച് നടത്തിയ പരാമര്ശങ്ങള് ദൗര്ഭാഗ്യകരമാണ്.
എം പി ഫണ്ട് വിനിയോഗിക്കാന് എന്തു തടസ്സമാണുണ്ടായതെന്നും ഏതു പദ്ധതിയാണ് മുടങ്ങിയതെന്നും അദ്ദേഹം വ്യക്തമാക്കണം. 'മാക്രിക്കൂട്ടം' തടസ്സം നില്ക്കുന്നു എന്നാണദ്ദേഹം ആരോപിച്ചത്. ആരാണത്? ഏതു ഭാഷയാണത്? ബിജെപിക്ക് ജനപ്രതിനിധികളും തദ്ദേശ സ്ഥാപനങ്ങളിലെ ഭരണ നേതൃത്വവും ഉള്ള സംസ്ഥാനമാണ് കേരളം . അവിടങ്ങളില് ദുരനുഭവമുണ്ടായോ?
കണ്ണൂരിലെ സമാധാന ശ്രമങ്ങള് നാടകമാണ് എന്നാരോപിക്കുമ്പോള് സമാധാന ചര്ച്ചയില് പങ്കാളികളായ ബി ജെ പി കേരള നേതൃത്വം അഭിനയിക്കുകയാണ് എന്നാണോ ഉദ്ദേശിക്കുന്നത്? സ്വന്തം പാര്ട്ടിയെക്കുറിച്ചെങ്കിലും അവശ്യം വിവരങ്ങള് സ്വായത്തമാക്കാന് ശ്രമിക്കുന്നതു കൊണ്ടാണോ ഈ പ്രസ്താവന എന്ന് വിശദീകരിക്കേണ്ടത് അദ്ദേഹം തന്നെയാണ്.
എം പി ഫണ്ട് വിനിയോഗിക്കാന് ഏതു തടസ്സമുണ്ടായാലും അത് പരിഹരിച്ച് വികസന പദ്ധതികള് നടപ്പാക്കാന് സുരേഷ് ഗോപിക്ക് സര്ക്കാരിന്റെ സഹായമുണ്ടാകും.
അടിസ്ഥാന രഹിതമായ ആരോപണങ്ങളുന്നയിക്കുന്നതിന് പകരം, സംസ്ഥാനത്ത് ഏതു ഭാഗത്ത്, എന്തു പദ്ധതിയാണ് ഉദ്ദേശിക്കുന്നത് എന്ന് വ്യക്തമാക്കി ക്രിയാത്മകമായി പ്രതികരിക്കാന് അദ്ദേഹം തയാറാകും എന്ന് പ്രതീക്ഷിക്കുന്നു.
Next Story
RELATED STORIES
യുപി മുന് എംഎല്എ മുഖ്താര് അന്സാരി ജയിലില് മരണപ്പെട്ടു
28 March 2024 6:18 PM GMTഅഭിഭാഷകന്റെ മുറിയില് മയക്കുമരുന്ന് വച്ച് കുടുക്കിയെന്ന കേസില്...
28 March 2024 5:31 PM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTബെംഗളൂരു കഫേ സ്ഫോടനം; ഒരാളെ എന് ഐഎ അറസ്റ്റ് ചെയ്തു
28 March 2024 5:01 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMT