പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച മൂന്നംഗസംഘം പിടിയില്‍

വെള്ളറട: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച മൂന്നംഗസംഘം പോലിസ് പിടിയിലായി. വെള്ളറട കിളിയൂര്‍ ഏറെ പുന്നയ്ക്കാട് ദയാഭവനില്‍ രാജേഷ് (22), വെള്ളറട വില്ലേജില്‍ അമ്പലത്തുവിളാകം ആറടിക്കര പുത്തന്‍ വീട്ടില്‍ വിനോദ് (22), കന്യാകുമാരി ജില്ലയില്‍ കളിയല്‍ വില്ലേജില്‍ കട്ടച്ചല്‍ അരകനാട് തലപ്പാറ പുത്തന്‍ വീട്ടില്‍ ദിനോജ് (24) എന്നിവരാണ് പിടിയിലായത്. പെണ്‍കുട്ടിയെ തമിഴ്‌നാട്ടിലുള്ള തൃപ്പരപ്പ്, കേരളത്തിലുള്ള കിളിയൂര്‍, കൂതാളി, വെള്ളറട എന്നിവിടങ്ങളില്‍ കൊണ്ടുപോയി പീഡിപ്പിക്കുകയായിരുന്നു. വെള്ളറട സര്‍ക്കിള്‍ ഇന്‍സ്‌പെക്ടര്‍ ഷിബുവിന്റെ നേതൃത്വത്തില്‍ എസ്‌ഐ ഷിബുകുമാര്‍, എഎസ്‌ഐ ആഞ്ചിലാസ്, പോലിസ് ഉദ്യോഗസ്ഥരായ സുമേഷ്, രാജേഷ്, അഭയകുമാര്‍, മഹേശന്‍ എന്നിവരുടെ നേതൃത്വത്തിലാണ് കിളിയൂര്‍, കാരമൂട് ഭാഗങ്ങളില്‍ വച്ച് പ്രതികളെ അറസ്റ്റ് ചെയ്തത്. പ്രതികളെ കോടതി റിമാന്റ് ചെയ്തു.