പ്രളയം: നാശനഷ്ടം വിലയിരുത്തി നഷ്ടപരിഹാരം
BY kasim kzm5 Sep 2018 12:42 AM GMT
kasim kzm5 Sep 2018 12:42 AM GMT
നല്കണം- ഹൈക്കോടതിസ്വന്തം പ്രതിനിധികൊച്ചി: പ്രളയംമൂലമുണ്ടായ നാശനഷ്ടം ശാസ്ത്രീയമായും യുക്തിസഹമായും വിലയിരുത്തി നഷ്ടപരിഹാരം വിതരണം ചെയ്യുന്ന ശക്തമായ സംവിധാനം രൂപീകരിക്കുന്ന കാര്യം സര്ക്കാര് പരിഗണിക്കണമെന്ന് ഹൈക്കോടതി. ഇക്കാര്യത്തില് ഈ മാസം 19ന് മുമ്പ് വിശദീകരണം നല്കണമെന്ന് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് നിര്ദേശം നല്കി. പ്രളയബാധിതര്ക്കുള്ള നഷ്ടപരിഹാരം ഫലപ്രദമായി വിതരണം ചെയ്യാന് പ്രത്യേക ട്രൈബ്യൂണല് രൂപീകരിക്കുകയോ കേരള നിയമ സഹായ അതോറിറ്റിയെ ചുമതലപ്പെടുത്തുകയോ ചെയ്യണമെന്ന് ആവശ്യപ്പെട്ട് യൂത്ത് ലീഗ് സംസ്ഥാന ജനറല് സെക്രട്ടറി പി കെ ഫിറോസ് സമര്പ്പിച്ച ഹരജിയാണ് കോടതി പരിഗണിച്ചത്. ഓരോരുത്തര്ക്കും ഉണ്ടായ നഷ്ടം പ്രത്യേകം കണക്കാക്കിവേണം നഷ്ടപരിഹാരം നല്കേണ്ടതെന്ന് കോടതി വാക്കാല് പറഞ്ഞു. ഇത് ചെയ്യുമ്പോള് തന്നെ മിനിമം നഷ്ടപരിഹാരവും സര്ക്കാര് ഉറപ്പാക്കണം. പ്രളയബാധിതരെ റവന്യൂ അടക്കമുള്ള വിവിധ വകുപ്പുകളിലെ ഉദ്യോഗസ്ഥര്ക്കു പിന്നില് അപേക്ഷയുമായി നടക്കാന് നിര്ബന്ധിക്കരുത്. സാറ്റലൈറ്റ് ഡാറ്റ പോലുള്ള ശാസ്ത്രീയ വിവരങ്ങള് ഉപയോഗിച്ച് നഷ്ടം കണക്കാക്കണം. വിവരശേഖരണത്തിന് തദ്ദേശസ്വയംഭരണ വകുപ്പിനെ ചുമതലപ്പെടുത്തി സര്ക്കാര് പുറപ്പെടുവിച്ച ഉത്തരവ് അമിക്കസ് ക്യൂറി കോടതിയുടെ ശ്രദ്ധയില്പ്പെടുത്തി. അപ്പോള് നാശനഷ്ടത്തിന്റെ ശതമാനം കണക്കാക്കുന്ന സര്ക്കാര് രീതിയില് കൂടുതല് സുതാര്യത വേണമെന്ന് കോടതി നിരീക്ഷിച്ചു. പ്രളയത്തിന് ഇരയായവര്ക്ക് 10,000 രൂപ പ്രാഥമികമായി നഷ്ടപരിഹാരം നല്കുന്ന സര്ക്കാര് നടപടി നല്ലതാണ്. പക്ഷേ, ഭാവിയില് നല്കേണ്ടതിനെക്കുറിച്ച് ശാസ്ത്രീയമായി തന്നെ കണക്കുകൂട്ടണം. ഇതില് വിദഗ്ധരുടെ അഭിപ്രായവും തേടണം. വിതരണത്തിലെ വിവേചനം സംബന്ധിച്ച വിവാദങ്ങള് ഒഴിവാക്കാന് നടപടി സ്വീകരിക്കണം. നഷ്ടപരിഹാരം കണക്കാക്കുന്നത് എങ്ങനെയെന്ന കാര്യത്തിലാണ് കോടതിക്കു താല്പര്യം. പ്രളയത്തിന്റെ വ്യാപ്തി, പ്രളയബാധിതരുടെ ഭൂമിയുടെ അളവ്, പ്രളയത്തിനു മുമ്പ് ആ ഭൂമി എത്രത്തോളം ഉപയോഗപ്രദമായിരുന്നു എന്നീ കാര്യങ്ങള് പരിശോധിക്കണമെന്നും കോടതി ശുപാര്ശ ചെയ്തു.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT