പ്രകാശ് അംബേദ്കറെ രാഷ്ട്രപതി സ്ഥാനാര്‍ഥിയാക്കാന്‍ പ്രതിപക്ഷ നീക്കം

ഹൈദരാബാദ്: രാഷ്ട്രപതി തിരഞ്ഞെടുപ്പില്‍ ബി ആര്‍ അംബേദ്കറുടെ പൗത്രനും മുന്‍ എംപിയുമായ പ്രകാശ് അംബേദ്കറെ പ്രതിപക്ഷത്തിന്റെ സംയുക്ത സ്ഥാനാര്‍ഥിയാക്കാന്‍ നീക്കം. ഇടതുപക്ഷമാണ് അദ്ദേഹത്തിന്റെ സ്ഥാനാര്‍ഥിത്വം മുന്നോട്ടുവച്ചത്. സിപിഎം ജനറല്‍ സെക്രട്ടറി സീതാറാം യെച്ചൂരി കോണ്‍ഗ്രസ്സുമായും എന്‍ഡിഎ ഇതരപാര്‍ട്ടികളുമായും ഇതുസംബന്ധിച്ച് അനൗപചാരിക ചര്‍ച്ച നടത്തിവരുകയാണെന്ന് ഇടതുപക്ഷ വൃത്തങ്ങള്‍ പറഞ്ഞു.  മഹാരാഷ്ട്രക്കാരനായ മുന്‍ ലോക്‌സഭാ എംപിയാണ് 63കാരനായ പ്രകാശ്.