പെരിങ്ങര പഞ്ചായത്തില്‍ വിളവെടുപ്പിന് തുടക്കമായി

തിരുവല്ല: ജില്ലയിലെ നെല്‍കൃഷിയുടെ ഈറ്റില്ലമായ പെരിങ്ങര പഞ്ചായത്തില്‍ വിളവെടുപ്പിന് തുടക്കമായി.
284 ഏക്കര്‍ വിസ്തൃതിയുള്ള പാണാകേരി പാടശേഖരത്തിലെ കൊയ്ത്ത് ഉല്‍സവം ജില്ലാ പഞ്ചായത്തംഗം സാം ഈപ്പന്‍, പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് ഈപ്പന്‍ കുര്യന്‍ എന്നിവര്‍ സംയുക്തമായി ഉദ്ഘാടനം ചെയ്തു. പാടശേഖര സമിതി കണ്‍വീനര്‍ ഏബ്രഹാം കോവൂര്‍, സെക്രട്ടറി ദാനിയേല്‍ ഇടിക്കുള, വൈസ് പ്രസിഡന്റ് സുനില്‍ സ്‌കറിയ, കര്‍ഷക പ്രമുഖരായ സണ്ണി തോമസ്, തോമസ് കോവൂര്‍ നേതൃത്വം നല്‍കി.
ഗ്രാമപ്പഞ്ചായത്ത് പ്രസിഡന്റ് ബീനാ ജേക്കബ്, ബ്ലോക്ക് പഞ്ചായത്തംഗം അനില്‍ മേരി ചെറിയാന്‍, വാര്‍ഡ് മെംബര്‍ റേച്ചല്‍ തോമസ് പങ്കെടുത്തു.