പെണ്‍കുട്ടിയെ തട്ടിക്കൊണ്ടുപോയ കേസില്‍ പിടിയിലായ പ്രതികളില്‍ ഒരാള്‍ പോലിസിനെ ആക്രമിച്ച് രക്ഷപ്പെട്ടു

പറവൂര്‍: പെണ്‍കുട്ടിയെ തട്ടിക്കൊണ്ടുപോയ കേസില്‍ പിടിയിലായ പ്രതി പോലിസിനെ ആക്രമിച്ച് രക്ഷപ്പെട്ടു. കാമുകന്‍ അബ്ദുല്ലയുടെ സുഹൃത്തായ പറവൂര്‍ സ്വകാര്യ ബസ് സ്റ്റാന്റിന് സമീപം താമസിക്കുന്ന കാഞ്ഞിരപ്പറമ്പില്‍ യഹ്‌യ(26)യാണ് രക്ഷപ്പെട്ടത്. പെണ്‍കുട്ടിയെ തട്ടിക്കൊണ്ടുപോവുന്നതിന് എത്തിയ സംഘത്തിലെ അംഗമായിരുന്നു യഹ് യ. സംഘത്തിലുണ്ടായിരുന്ന പോഞ്ഞാശ്ശേരി സ്വദേശിയുടെ വീടും മാഞ്ഞാലി സ്വദേശിയുടെ വീടും പോലിസിന് കാണിച്ചുകൊടുത്ത് തിരിച്ച് പറവൂരിലേക്കു വരുമ്പോള്‍ പെണ്‍കുട്ടിയും മറ്റും വെടിമറയിലുണ്ടാവാന്‍ സാധ്യതയുണ്ടെന്ന് പറഞ്ഞ് ഇവിടെ ഇറങ്ങി ഉള്‍ഭാഗത്തേക്കു പോയപ്പോള്‍ ഒപ്പമുണ്ടായിരുന്ന എസ്‌ഐ രഞ്ജനെ ചവിട്ടിവീഴ്ത്തി കൈവിലങ്ങുമായി ഓടിരക്ഷപ്പെടുകയായിരുന്നു. രഞ്ജന്‍ പറവൂര്‍ താലൂക്ക് ആശുപത്രിയില്‍ ചികില്‍സ തേടി. ഈ കേസില്‍ വടക്കേക്കര ആളംതുരുത്ത് സ്വദേശിയായ ഒരു കൂട്ടുപ്രതിയെ പോലിസ് കസ്റ്റഡിയിലെടുത്തിട്ടുണ്ട്.