പെട്രോള് പമ്പിനു സമീപം വാഹനത്തിനു തീപിടിച്ചു
BY kasim kzm12 Dec 2017 2:53 AM GMT
kasim kzm12 Dec 2017 2:53 AM GMT
വണ്ടൂര്: ഓടിക്കൊണ്ടിരിക്കുന്ന വാഹനത്തിനു പെട്രോള് പമ്പിനു സമീപത്തുവച്ച് തീപിടിച്ചത് പരിഭ്രാന്തി പരത്തി. തിങ്കളാഴ്ച്ച രാവിലെ പതിനൊന്നോടെയാണ് മഞ്ചേരി-വണ്ടൂര് പാതയില് എറിയാട് പെട്രോള് പമ്പിനു സമീപത്ത്് വാഹനത്തിനു തീപ്പിടിച്ചത്. കിഴിശ്ശേരിയില് നിന്നു വണ്ടൂരിലേക്ക് ബാക്കറിയുമായി വരികയായിരുന്ന മിനി വാനിനാണ് അപകടം സംഭവിച്ചത്. ഓടിക്കൊണ്ടിരിക്കുന്നതിനിടെ വാഹനത്തിന്റെ മുന്വശത്തു നിന്നു പുകയയുരന്നതുകണ്ട ഡ്രൈവര് പരിശോധനയ്ക്കായി വാഹനം പെട്രോള് പമ്പിലേക്ക് എടുത്തു. പരിശോധനയ്ക്കിടെ തീ ആളിപടര്ന്നതോടെ പമ്പ് ജീവനക്കാരും ഇന്ധനം നിറയ്ക്കാനെത്തിയ മറ്റു വാഹനങ്ങളിലുള്ളവരും ചേര്ന്ന് വാഹനം പാതയോേേരത്തക്ക് തള്ളി വിട്ടു. പമ്പിലുണ്ടായിരുന്ന അഗ്നി നിയന്ത്രണ സംവിധാനങ്ങള് ഉപയോഗിച്ച് തീകെടുത്താന് ശ്രമിച്ചെങ്കിലും വിജയിച്ചില്ല. പിന്നീട് തിരുവാലിയില് നിന്നു അഗ്നിശമന സേനാംഗങ്ങളെത്തിയാണ് തീയണച്ചത്. പെട്രോള് പമ്പും തൊട്ടടുത്ത് യുപി സ്കൂളുമെല്ലാം പ്രവര്ത്തിക്കുന്നതുമൂലം അരമണിക്കൂറിലധികം സമയം സംഭവം പരിഭ്രാന്തി പരത്തി. ഫയര്മാന്മാരായ പി പ്രതീഷ്കുമാര്, സി ജംഷാദ്, എന് പി അനീഷ്, എം ഫസലുള്ള, ഹോംഗാര്ഡുമാരായ ഉണ്ണികൃഷ്ണന്, ഗോപാലകൃഷ്ണന്, തോമസ് എന്നിവരുടെ നേതൃത്വത്തിലുള്ള സംഘമാണു തീയണച്ചത്.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT