പുനര്വിവാഹം മക്കളുടെ സംരക്ഷണ ചുമതല ഇല്ലാതാക്കില്ല
BY kasim kzm28 Oct 2018 1:50 AM GMT
kasim kzm28 Oct 2018 1:50 AM GMT
ന്യൂഡല്ഹി: പുനര്വിവാഹം ചെയ്തുവെന്ന കാരണത്താല് മാത്രം ഒരാള്ക്ക് തന്റെ മക്കളുടെ സംരക്ഷണ ചുമതല നഷ്ടമാവില്ലെന്ന് സുപ്രിംകോടതി. രാജ്യത്തെ അര്ധസൈനിക വിഭാഗമായ സിആര്പിഎഫില് ഡോക്ടര്മാരായി സേവനം അനുഷ്ഠിക്കുന്ന ദമ്പതികള് തമ്മിലുള്ള കുട്ടികളുടെ അവകാശത്തര്ക്കവുമായി ബന്ധപ്പെട്ട കേസ് പരിഗണിച്ച ജസ്റ്റിസുമാരായ കുര്യന് ജോസഫ്, സഞ്ജയ് കിഷന് കൗള് എന്നിവരടങ്ങിയ ബെഞ്ചിന്റേതാണ് ഉത്തരവ്. വിവാഹമോചിതനായ വ്യക്തി, പുനര്വിവാഹം ചെയ്ത് രണ്ടാമത്തെ ഭാര്യയോടും അവരുടെ മക്കളോടും ഒരുമിച്ച് താമസിക്കുന്നു എന്ന കാരണത്താല് മാത്രം അദ്ദേഹത്തിനു നിയമപരമായി ലഭിച്ച സംരക്ഷണ ചുമതല നഷ്ടമാവില്ലെന്നാണ് കോടതി വ്യക്തമാക്കിയത്. 2016ല് പരസ്പര സമ്മതത്തോടെ വിവാഹമോചിതരായ കേസില് കുട്ടികളുടെ സംരക്ഷണ ചുമതല പിതാവിനാണ് ലഭിച്ചത്. എന്നാല്, ഇദ്ദേഹം രണ്ടാമത് വിവാഹം ചെയ്തതോടെ മാതാവ് കുട്ടികളുടെ സംരക്ഷണ ചുമതല ആവശ്യപ്പെട്ട് ബോംബെ ഹൈക്കോടതിയില് അപേക്ഷ നല്കി. ഇതോടെ കോടതി കുട്ടികളെ ബോര്ഡിങ് സ്കൂളിലേക്ക് മാറ്റി, കുട്ടികളുടെ സംരക്ഷണ ചുമതല ഒരു വര്ഷത്തേക്ക് മാതാവിനു നല്കി. ഹൈക്കോടതിയുടെ ഈ നടപടി ചോദ്യം ചെയ്ത് പിതാവ് സുപ്രിംകോടതിയെ സമീപിക്കുകയായിരുന്നു.
Next Story
RELATED STORIES
യു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMTറിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMT