പുതിയ എംഎല്എമാരില് 428 പേര് കോടീശ്വരന്മാര്
BY midhuna mi.ptk21 May 2016 4:29 AM GMT
midhuna mi.ptk21 May 2016 4:29 AM GMT
ന്യൂഡല്ഹി: അഞ്ച് സംസ്ഥാനങ്ങളിലെ നിയമസഭകളിലേക്ക് നടന്ന തിരഞ്ഞെടുപ്പില് വിജയിച്ചവരില് പകുതിയിലധികം പേര് കോടീശ്വരന്മാര്. അസോസിയേഷന് ഫോര് ഡെമോക്രാറ്റിക് റിഫോംസ് നടത്തിയ സര്വെയിലാണ് ഇക്കാര്യം വ്യക്തമായത്. തമിഴ്നാട്, കേരളം, അസം, പശ്ചിമബംഗാള്, പുതുച്ചേരി നിയമസഭകളിലേക്കു തിരഞ്ഞെടുക്കപ്പെട്ട 812 പേരില് 428 പേരും കോടീശ്വരന്മാരാണെന്ന് അവര് നല്കിയ സത്യവാങ്മൂലം തെളിയിക്കുന്നതായി സര്വെയില് പറയുന്നു. പുതുച്ചേരി നിയമസഭയിലാണ് ഏറ്റവും കൂടുതല് കോടീശ്വരന്മാരുള്ളത് 83 ശതമാനം. തമിഴ്നാട്ടില് 76ഉം അസമില് 57ഉം കേരളത്തില് 44ഉം പശ്ചിമബംഗാളില് 34ഉം ശതമാനം എംഎല്എമാര് കോടിപതികളാണ്. 2011ല് കേരള എംഎല്എമാരില് 25 ശതമാനമായിരുന്നു കോടീശ്വരന്മാര്. 30 അംഗങ്ങളുള്ള പുതുച്ചേരിയില് 25 പേരാണ് കോടിപതികള്. തമിഴ്നാട്ടില് 223ല് 170 പേരും അസമില് 126ല് 72 പേരും പശ്ചിമബംഗാളില് 293ല് 100 പേരും കേരളത്തില് 140ല് 61 പേരുമാണ് ഈ വിഭാഗത്തിലുള്ളവര്.കേരളത്തില് തോമസ് ചാണ്ടിയാണ് ഏറ്റവും സമ്പന്നനായ എംഎല്എ. 92.37 കോടിയാണ് അദ്ദേഹത്തിന്റ ആസ്തി. അസമില് നരേന് സോണവാള് (33.94 കോടി), പുതുച്ചേരിയില് അശോക് ആനന്ദ് (124 കോടി), പശ്ചിമബംഗാളില് സാമിര് ചക്രവര്ത്തി (40.59 കോടി) തമിഴ്നാട്ടില് വസന്തകുമാര് (337 കോടി) എന്നിങ്ങനെയാണ് സമ്പന്ന എംഎല്എമാരുടെ കണക്ക്. കേരളത്തിലെ 60 ശമതാനം എംഎല്എമാരും ആദായനികുതി കണക്കുകള് ബോധിപ്പിക്കാറില്ലെന്നും സര്വെയിലുണ്ട്. അഞ്ചു സംസ്ഥാനങ്ങളിലെ 812 എംഎല്എമാരില് 77 പേര് മാത്രമാണ് വനിതകള്. ഈ എംഎല്എമാരില് അഞ്ചുപേര് 80 വയസ്സിനു മുകളിലുള്ളവരാണ്. 71നും 80നും ഇടയിലുള്ളവര് 38 പേരും 61നും 40നും ഇടയിലുള്ളവര് 278 പേരും 41നും 50നും ഇടയിലുള്ളവര് 212 പേരും 31നും 40നുമിടയിലുള്ളവര് 87 പേരും 25നും 30നും ഇടയിലുള്ളവര് അഞ്ചു പേരുമാണ്.വിദ്യാഭ്യാസ യോഗ്യത നോക്കുകയാണെങ്കില് പിഎച്ച്ഡി ബിരുദമുള്ളവര് 19 പേരുണ്ട്. ഇതില് 10 പേര് പശ്ചിമബംഗാളിലും അഞ്ചുപേര് തമിഴ്നാട്ടിലുമുള്ള എഎല്എമാരാണ്. ബിരുദധാരികളുടെ എണ്ണം 480 ആണ്. കേരളത്തില് സിപിഎമ്മിലെ 91 ശതമാനം എംഎല്എമാരും ക്രിമിനല് കേസുള്ളവരാണ്. സിപിഐയില് 63 ശതമാനവും കോണ്ഗ്രസ്സില് 41 ശതമാനം എംഎല്എമാരും ക്രിമിനല് കേസുള്ളവരാണ്.കേരള നിയമസഭയിലേക്ക് തിരഞ്ഞെടുക്കപ്പെട്ട മൊത്തം എംഎല്എമാരില് ക്രിമിനല് കേസുള്ളവര് 62 ശതമാനമാണ്. പശ്ചിമബംഗാളിലിത് 32 ശതമാനമാണെന്നും സര്വെ വ്യക്തമാക്കുന്നു.
Next Story
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT