പി കെ ശശി: നടപടി സംബന്ധിച്ച് അനിശ്ചിതത്വം

തിരുവനന്തപുരം: പി കെ ശശി എംഎല്‍എക്കെതിരായ സിപിഎം അന്വേഷണ കമ്മീഷന്‍ റിപോര്‍ട്ടിന്‍മേല്‍ സ്വീകരിക്കേണ്ട നടപടി സംബന്ധിച്ച് അനിശ്ചിതത്വം. റിപോര്‍ട്ട് ഇന്നലെ സംസ്ഥാന സെക്രേട്ടറിയറ്റ് ചര്‍ച്ച ചെയ്തില്ല. സമാന ആരോപണം നേരിട്ട ഗോപി കോട്ടമുറിക്കലിനെയും പി ശശിയെയും നേരത്തേ പാര്‍ട്ടിയില്‍ നിന്നു പുറത്താക്കിയിരുന്നു. അതുകൊണ്ടുതന്നെ ശശിയുടെ കാര്യത്തിലും ഈ നിലയ്ക്കുള്ള നടപടിയുണ്ടാവണമെന്നാണ് ഒരുവിഭാഗത്തിന്റെ ആവശ്യം. എന്നാല്‍, പാര്‍ട്ടിയുടെ പ്രാഥമിക അംഗത്വം മരവിപ്പിക്കുന്ന നടപടിയിലേക്കു പോയാല്‍ എംഎല്‍എ സ്ഥാനം നഷ്ടപ്പെടുന്ന സാഹചര്യം ഉണ്ടായേക്കുമെന്നാണ് സിപിഎം വിലയിരുത്തല്‍. ഇത് ഒഴിവാക്കിക്കൊണ്ടും യുവതിയെ തൃപ്തിപ്പെടുത്തിക്കൊണ്ടുമുള്ള അച്ചടക്ക നടപടിക്കാണ് സിപിഎം ആലോചന.