പാലക്കുഴി മിനി ജലവൈദ്യുത പദ്ധതി നിര്മാണോദ്ഘാടനം ഇന്ന്
BY kasim kzm21 Dec 2017 3:35 AM GMT
kasim kzm21 Dec 2017 3:35 AM GMT
പാലക്കാട്: ജില്ലാപ്പഞ്ചായത്ത്, സ്മോള് ഹൈഡ്രോ കമ്പനി വഴി നടപ്പാക്കുന്ന രണ്ടാമത്തെ ചെറുകിട ജലവൈദ്യുതി പദ്ധതിയായ പാലക്കുഴി മിനി ജലവൈദ്യുത പദ്ധതി നിര്മാണോദ്ഘാടനം കിഴക്കഞ്ചേരി പഞ്ചായത്തില് ഇന്ന് വൈദ്യുതി വകുപ്പ് മന്ത്രി എം എം മണിയും മന്ത്രി എ കെ ബാലനും സംയുക്തമായി നിര്വഹിക്കും. പദ്ധതി പരിസരത്ത് നടക്കുന്ന പരിപാടിയില് ജില്ലാ പഞ്ചായത്ത് പ്രസിഡന്റ് കെ ശാന്തകുമാരി അധ്യക്ഷയാകും. എംപിമാരായ പി കെ ബിജു, എം ബി രാജേഷ് എന്നിവര് വിശിഷ്ടാതിഥികളാകും. കെ ഡി പ്രസേനന് എംഎല്എ ആദരപത്ര സമര്പ്പണം നടത്തും. പദ്ധതിക്കാവശ്യമായ സ്ഥലത്തിന്റെ വിലയുള്പ്പെടെ 13 കോടിയാണ് നിര്മാണ ചെലവ് പ്രതീക്ഷിക്കുന്നത്. നെച്ചുപ്പാടം കണ്സ്ട്രക്ഷന് പ്രൈവറ്റ് ലിമിറ്റഡ് ആണ് സിവില് വര്ക്കുകള് കരാര് എടുത്തിട്ടുളളത്. ഇലക്ട്രിക്കലും മെക്കാനിക്കലുമായ വര്ക്കുകളുടെ ടെന്ഡര് നടപടി പൂര്ത്തിയായി വരുന്നു. പദ്ധതിക്കാവശ്യമായ തുക പഞ്ചായത്തുകളില് നിന്ന് 30 ശതമാനം ഇക്യുറ്റി ആയും ബാക്കി 70 ശതമാനം തുക ധനകാര്യ സ്ഥാപനങ്ങളില് നിന്ന് കടമായും സ്വരൂപിക്കാനാണ് ഉദ്ദേശിച്ചിട്ടുളളത്. ഒമ്പതു കോടി രൂപ നബാര്ഡില് നിന്ന് വായ്പയ്ക്ക് അപേക്ഷിച്ചിട്ടുണ്ട്. നിലവില് 4.35 ഏക്കര് ഭൂമി കമ്പനിയുടെ പേരില് രജിസ്റ്റര് ചെയ്ത് വാങ്ങിയിട്ടുണ്ട്. 4.328 ഏക്കര് സ്വകാര്യ ഭൂമിയില് സൗജന്യമായി വെളളം കെട്ടി നിര്ത്തന് ഉടമ അനുവാദം തന്നിട്ടുണ്ട്. 18 മാസം കൊണ്ട് പദ്ധതി പൂര്ത്തിയാക്കാനാണ് ഉദ്ദേശിക്കുന്നതെന്ന് ജില്ലാ പഞ്ചായത്ത് പ്രസിഡന്റ് കെ ശാന്തകുമാരി പറഞ്ഞു.
Next Story
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMT