പാനമ മുന് ഏകാധിപതി നൊറീഗ അന്തരിച്ചു ; 1983 മുതല് 1989 വരെ രാജ്യം ഭരിച്ചു
BY fousiya sidheek31 May 2017 3:23 AM GMT
fousiya sidheek31 May 2017 3:23 AM GMT
പാനമ സിറ്റി: പാനമ മുന് ഏകാധിപതിയും സൈനിക മേധാവിയുമായിരുന്ന ജനറല് മാന്വല് അന്റോണിയോ നൊറീഗ (83) അന്തരിച്ചു. വാര്ധക്യസഹജമായ അസുഖങ്ങളാല് ചികില്സയിലായിരുന്ന അദ്ദേഹത്തിന് അടുത്തിടെ തലയില് നടത്തിയ ശസ്ത്രക്രിയയെ തുടര്ന്നുണ്ടായ രക്തസ്രാവം മൂലമായിരുന്നു അന്ത്യം. പ്രസിഡന്റ് ജുവാന് കാര്ലോസ് വരേലയാണ് മരണവിവരം പുറത്തുവിട്ടത്. മധ്യ അമേരിക്കയുടെ സുപ്രധാന അധ്യായത്തിന് അന്ത്യമായെന്ന് നൊറീഗയുടെ മരണവാര്ത്ത പുറത്തുവിട്ട് പ്രസിഡന്റ് ട്വിറ്ററില് കുറിച്ചു.തിരഞ്ഞെടുപ്പില് മല്സരിക്കാതെയാണ് മാന്വല് അന്റോണിയോ നൊറീഗ പാനമയുടെ അധികാരം പിടിച്ചത്. 1983 മുതല് 1989 വരെ പാനമ ഭരിച്ച സൈനിക ഭരണകുടത്തിന്റെ മേധാവിയായിരുന്നു അദ്ദേഹം. ഭരണത്തുടക്കത്തില് യുഎസിന്റെ അടുത്ത സുഹൃത്തായിരുന്നു നൊറീഗ. യുഎസ് അധിനിവേശത്തിനൊടുവിലാണ് ഭരണത്തില്നിന്നു പുറത്താവുന്നത്. പിന്നീട് മയക്കുമരുന്ന് കടത്ത് കുറ്റം ചുമത്തി അമേരിക്ക അദ്ദേഹത്തെ ജയിലിലടക്കുകയും ചെയ്തു. മയക്കുമരുന്ന് കടത്തിനു പുറമെ കൊലപാതകം, അഴിമതി, കൈക്കൂലി കുറ്റങ്ങളും അദ്ദേഹത്തിനെതിരേ ചുമത്തിയിരുന്നു. 2014ലാണ് നൊറീഗ ജയില് മോചിതനായത്. 1934 ഫെബ്രുവരി 11ന് പാനമ സിറ്റിയിലാണ് നൊറീഗയുടെ ജനനം. പെറുവിലെ സൈനിക അക്കാദമിയില് വിദ്യാഭ്യാസം പുര്ത്തിയാക്കിയ അദ്ദേഹം മൂന്നു പതിറ്റാണ്ടോളം സിഐഎയുമായി അടുത്ത ബന്ധം പുലര്ത്തിയിരുന്നു.
Next Story
RELATED STORIES
'20 ശതമാനത്തിനെതിരേ 80 ശതമാനത്തിന്റെ വോട്ടെടുപ്പ്'; മോദിക്കുപിന്നാലെ...
23 April 2024 10:53 AM GMTമുസ് ലിംകള്ക്കെതിരായ വിദ്വേഷപ്രസംഗം ആവര്ത്തിച്ച് പ്രധാനമന്ത്രി...
23 April 2024 10:18 AM GMTഅനില് ആന്റണിക്കെതിരായ രേഖകളുമായി നന്ദകുമാര്; ശോഭാ സുരേന്ദ്രന് 10...
23 April 2024 8:05 AM GMT10 അനാക്കോണ്ട പാമ്പുകളുമായി ബംഗളൂരു കെംപഗൗഡ വിമാനത്താവളത്തില് യുവാവ്...
23 April 2024 7:18 AM GMTപ്രധാനമന്ത്രിയുടെ രാജസ്ഥാന് വിവാദ പ്രസംഗം: തിരഞ്ഞെടുപ്പ് കമ്മീഷന്...
23 April 2024 7:16 AM GMTപരിശീലനപ്പറക്കലിനിടെ മലേഷ്യന് നാവികസേനയുടെ ഹെലികോപ്റ്ററുകള്...
23 April 2024 7:07 AM GMT