പറമ്പിക്കുളം - ആളിയാര് കരാര് : കേരളത്തിന്റെ ഹരജിയില് സുപ്രിംകോടതി പരിഗണനാ വിഷയങ്ങള് തയ്യാറാക്കി
BY fousiya sidheek8 Nov 2017 3:03 AM GMT
fousiya sidheek8 Nov 2017 3:03 AM GMT
ന്യൂഡല്ഹി: പറമ്പിക്കുളം- ആളിയാര് കരാര് പ്രകാരമുള്ള വെള്ളം 2012-13 വര്ഷത്തില് തമിഴ്നാട് അനുവദിക്കാത്തതിനെ ചോദ്യം ചെയ്ത് കേരളം നല്കിയ ഹരജിയില് സുപ്രിംകോടതി പരിഗണനാ വിഷയങ്ങള് തയ്യാറാക്കി. ഇതു പ്രകാരം 10ഓളം വിഷയങ്ങള് കോടതി വിശദമായി പരിശോധിക്കാന് തീരുമാനിച്ചു. കരാര് ലംഘനത്തിന് തമിഴ്നാട് കേരളത്തിന് നഷ്ടപരിഹാരം നല്കേണ്ടതുണ്ടോ, വരള്ച്ചാ ബാധിത വര്ഷങ്ങളില് കരാര് പ്രകാരമുള്ള വെള്ളം നല്കാന് തമിഴ്നാടിന് ബാധ്യതയുണ്ടോ എന്നീ കാര്യങ്ങളാണ് പ്രധാനമായും കോടതി പരിശോധിക്കുക. മൂന്ന് മാസത്തിനികം കേസില് തെളിവുകളും സാക്ഷികളേയും ഹാജരാക്കാന് കോടതി ഇരു സംസ്ഥാനങ്ങള്ക്കും നിര്ദേശം നല്കി. തമിഴ്നാട് കരാര് ലംഘനം നടത്തിയതിനാല് വെള്ളം ലഭിക്കാതിരിക്കുകയും 56 കോടി രൂപയുടെ നാശനഷ്ടം ഉണ്ടാവുകയും ചെയ്തുവെന്നാണ് കേരളത്തിന്റെ പരാതി. 50 കോടി രൂപ നഷ്ടപരിഹാരം നല്കണമെന്നും കേരളം ആവശ്യപ്പെട്ടിരുന്നു. ഇക്കാര്യവും കോടതി വിശദമായി പരിശോധിക്കും. 1970ലെ കരാര് പ്രകാരം ഷോളയാറില് നിന്ന് 12.3 ഘനയടി വെള്ളവും ആളിയാറില് നിന്ന് 7.25 ഘനയടി വെള്ളവും എല്ലാ വര്ഷവും നല്കാന് തമിഴ്നാടിന് ബാധ്യതയുണ്ടോ എന്നീ കാര്യങ്ങളും കോടതി പരിശോധിക്കും. കേരളം കോടതിയില് സമര്പ്പിച്ച ഹരജിയില് മാര്ച്ച് മാസത്തില് അന്തിമ വാദം നടക്കും.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT