പരിശ്രമങ്ങള്‍ക്കൊടുവില്‍ ഗീത ഡല്‍ഹിയില്‍ എത്തി

ന്യൂഡല്‍ഹി: 15 കൊല്ലംമുമ്പ് പാകിസ്താനില്‍ എത്തപ്പെട്ട ഇന്ത്യന്‍ യുവതി ഗീത ഇന്ത്യയില്‍ തിരിച്ചെത്തി. ഇന്നു രാവിലെ 10.45 ഓടെയാണ് പാകിസ്താന്‍ ഇന്റര്‍നാഷണലിന്റെ വിമാനത്തില്‍ ഇവര്‍ ഡല്‍ഹിവിമാനത്താവളത്തില്‍ എത്തിയത്. 23 കാരിയായ ഗീത അല്‍പസമയത്തിനകം മാധ്യമങ്ങളെ കാണും.  ഊമയും ബധിരയുമായ ഗീതയുടെ ഡി.എന്‍.എ. പരിശോധന നടത്തി ഫലം അനുകൂലമാണെങ്കില്‍ മാത്രമേ ബന്ധുക്കള്‍ക്ക്്് കൈമാറുകയുള്ളു. അല്ലാത്തപക്ഷം സര്‍ക്കാര്‍ നിയോഗിക്കുന്ന ഏതെങ്കിലും സ്ഥാപനത്തിനായിരിക്കും ഇവരുടെ സംരക്ഷണച്ചുമതല. പാകിസ്താനില്‍ സന്നദ്ധസംഘടനയായ എദി ഫൗണ്ടേഷന്റെ സംരക്ഷണയിലായിരുന്നു ഗീത