പരവൂര് വെടിക്കെട്ട് ദുരന്തം; മതവിഭാഗങ്ങളെ ഭരണാധികാരികള് ഭയക്കുന്നു: ഹൈക്കോടതി
BY Sumeera SMR26 May 2016 4:26 AM GMT
Sumeera SMR26 May 2016 4:26 AM GMT
കൊച്ചി: പരവൂര് പുറ്റിങ്ങല് ക്ഷേത്രത്തിലെ വെടിക്കെട്ട് ദുരന്തവുമായി ബന്ധപ്പെട്ട് അറസ്റ്റിലായ ക്ഷേത്രം ഭാരവാഹികള് അടക്കമുള്ളവരുടെ ജാമ്യ ഹരജികളില് വാദം പൂര്ത്തിയാക്കി വിധി പറയാന് മാറ്റി. നിയമം നടപ്പാക്കുന്നതില് മതവിഭാഗങ്ങളുടെ എതിര്പ്പിനെ ഭരണാധികാരികള് ഭയക്കുകയാണെന്നും മത വിഭാഗങ്ങളെ പേടിക്കാതെ നിയമം വേണ്ട വിധം നടപ്പാക്കിയാല് ഇന്നത്തെ പല പ്രശ്നങ്ങളും ഉണ്ടാവില്ലെന്നും ജസ്റ്റിസ് പി ഉബൈദ് ഹരജി പരിഗണിക്കവേ വാക്കാല് അഭിപ്രായപ്പെട്ടു. വെടിക്കെട്ട് നടത്തുന്നത് ജില്ലാ ഭരണകൂടം വിലക്കിയിട്ടും അനുമതി നല്കിയ പോലിസ് ഉദ്യോഗസ്ഥരുടെ നടപടി ഗൗരവതരമാണ്. ജില്ലാ ഭരണകൂടം അനുമതി നല്കിയിട്ടുണ്ടെങ്കില് ആ ഉത്തരവ് എവിടെയെന്ന് രേഖാമൂലം ചോദിക്കാതെയും പരിശോധിക്കാതെയുമാണ് പൊലിസ് ഉദ്യോഗസ്ഥര് വെടിക്കെട്ടിന് അനുമതി നല്കിയത്. പൊലിസിനെ ക്ഷേത്രം ഭാരവാഹികള് തെറ്റിദ്ധരിപ്പിച്ചതാവാം. എന്നാല്, ഇത്തരം തെറ്റിദ്ധാരണകള്ക്ക് ഐപിഎസ് ഉദ്യോഗസ്ഥര് വഴങ്ങരുതായിരുന്നു. ഒരുപക്ഷേ അനുമതി സംബന്ധിച്ച രേഖകള് ചോദിച്ചിരുന്നെങ്കില് ആ പൊലിസ് ഉദ്യോഗസ്ഥന് ചിലപ്പോള് സര്വീസില് ഉണ്ടാവുമായിരുന്നില്ലെന്നും കോടതി സൂചിപ്പിച്ചു. 5000 കിലോഗ്രം സ്ഫോടക വസ്തുക്കള് വെടിക്കെട്ടിനായി എത്തിച്ചു എന്നത് അവിശ്വസനീയമാണെന്ന് പ്രതികളുടെ അഭിഭാഷകര് ചൂണ്ടിക്കാട്ടി. ഇത്രയും അളവ് വെടിമരുന്നു കൊണ്ടുവരണമെങ്കില് അഞ്ച് ട്രക്കെങ്കിലും വേണ്ടിവരും. എന്നാല്, പെട്ടി ഓട്ടോറിക്ഷയിലും ഒമ്നി വാനിലുമായാണ് അളവില് കവിഞ്ഞ വെടിമരുന്ന് എത്തിച്ചതെന്ന കേസാണ് നിലവിലുള്ളതെന്നും ഇത് നിലനില്ക്കുന്നതല്ലെന്നും ഹരജിക്കാര് വ്യക്തമാക്കി.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT