പമ്പയില് കുളിക്കാനിറങ്ങിയ സഹപാഠികള് മുങ്ങിമരിച്ചു
BY fousiya sidheek1 Oct 2017 4:59 AM GMT
fousiya sidheek1 Oct 2017 4:59 AM GMT
കോഴഞ്ചേരി: പമ്പാനദിയില് കുളിക്കാനിറങ്ങിയ സഹപാഠികള് മുങ്ങിമരിച്ചു. മെഴുവേലി സന്തോഷ് ഭവനില് സന്തോഷിന്റെ മകന് എസ് സൗജിത് (15), ചെങ്ങന്നൂര് കോട്ട എലിമുക്ക് ശ്രീരാഗത്തില് ഷിനുവിന്റെ മകന് വിഷ്ണു (15) എന്നിവരാണ് മരിച്ചത്. വെള്ളിയാഴ്ച ഉച്ചയ്ക്ക് 2.30ന് പമ്പാ നദിയിലെ ആറന്മുള മാലക്കര മഠത്തില്കടവില് കോട്ട എസ്എന് വിദ്യാപീഠത്തിലെ പത്താംക്ലാസ് വിദ്യാര്ഥികളായ ആറംഗസംഘമാണ് കുളിക്കാനെത്തിയത്. ശക്തമായ ഒഴുക്കിലും ചുഴിയിലും നദിയില് ആദ്യം ഇറങ്ങിയ ആള് അപകടത്തില്പെട്ടു.ഇതോടെ അപകടത്തില്പെട്ടയാളെ രക്ഷിക്കാനുള്ള ശ്രമത്തിനിടെ രണ്ടാമത്തെയാളും ഒഴുക്കില്പെടുകയായിരുന്നു. ഒപ്പമുണ്ടായിരുന്നവര് അലറി വിളിച്ച് നാട്ടുകാരെ കൂട്ടിയെങ്കിലും രക്ഷിക്കാനായില്ല. തുടര്ന്ന് ചെങ്ങന്നൂരില് നിന്നുള്ള ഫയര്ഫോഴ്സ് സംഘവും നാട്ടുകാരും നടത്തിയ തിരച്ചിലില് 15 മിനുട്ട് കഴിഞ്ഞ് മൃതദേഹം സമീപത്തുതന്നെ ചളിയില് പുതഞ്ഞനിലയില് കണ്ടെ ത്തി. ആറന്മുള എസ്ഐ കെ അജിത്കുമാര്, ജൂനിയര് എസ്ഐമാരായ വിനോദ്, അഭിലാഷ് എന്നിവരുടെ നേതൃത്വത്തില് മേല്നടപടികള് പൂര്ത്തീകരിച്ചു. വിഷ്ണുവിന്റെ മൃതദേഹം ഇന്നലെ സംസ്കരിച്ചു. മാതാവ്: ബിനു. സൗജിതിന്റെ സംസ്കാരം പിന്നീട്. മാതാവ്: ഗിരിജ. സഹോദരി: സൗമ്യ.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT