പത്താന്‍കോട്ട് തിരച്ചിലിനിടെ ഗ്രനേഡ് പൊട്ടിത്തെറിച്ച് മലയാളി മരിച്ചു

പത്താന്‍കോട്ട് : ഇന്നലെ ആക്രമണമുണ്ടായ പത്താന്‍കോട്ട് വ്യോമസേനാകേന്ദ്രത്തില്‍ തിരച്ചിലിനിടെ ഗ്രനേഡ് പൊട്ടിത്തെറിച്ച് മലയാളി സൈനികന്‍ മരിച്ചു. എന്‍എസ്ജി  ബോംബ് സ്‌ക്വാഡ് അംഗവും ലെഫ്റ്റന്റ് കേണലുമായ പാലക്കാട് മണ്ണാര്‍ക്കാട് എളംപിലാശേരി സ്വദേശി നിരഞ്ജന്‍ കുമാറാണ് മരിച്ചത്.

കൊല്ലപ്പെട്ട അക്രമികളിലൊരാളുടെ ശരീരത്തിലുണ്ടായിരുന്ന ഗ്രനേഡ് പുറത്തെടുത്ത് നിര്‍വീര്യമാക്കാന്‍ ശ്രമിക്കവേയാണ് സ്‌ഫോടനമുണ്ടായത്.

ആഭ്യന്തരമന്ത്രി രാജ്‌നാഥ് സിങ് ട്വിറ്ററിലൂടെയാണ് വാര്‍ത്ത അറിയിച്ചത്. നിരഞ്ജന്റെ നിര്യാണത്തില്‍ ആഭ്യന്തരമന്ത്രി അനുശോചനം രേഖപ്പെടുത്തി.