പത്താന്‍കോട്ട്: പാകിസ്താന് എന്‍ഐഎയുടെ കത്ത്

ന്യൂഡല്‍ഹി: പത്താന്‍കോട്ട് വ്യോമതാവള ആക്രമണവുമായി ബന്ധപ്പെട്ട് നാല് ജെയ്‌ശെ മുഹമ്മദ് പ്രവര്‍ത്തകരുടെ വിശദാംശങ്ങള്‍ ആരാഞ്ഞ് ദേശീയ അന്വേഷണ ഏജന്‍സി (എന്‍ഐഎ) പാകിസ്താന് കത്തയച്ചു. പ്രത്യേക കോടതി വഴിയാണ് നിയമപരമായ കത്തയച്ചത്. കേസന്വേഷണത്തിന് പാക് എസ്‌ഐടി എത്തുന്നതിനു മുന്നോടിയായാണു നടപടി. ഈ മാസം അവസാനവാരം പാക് സംഘം ഇന്ത്യയില്‍ എത്തിയേക്കും. അക്രമികള്‍ മുമ്പു വിളിച്ച ഫോണ്‍നമ്പറുകളുടെ വിവരങ്ങളും സംഘത്തിലെ ഖയാം ബാബറുടെ മകന്റെ ചിത്രവും എന്‍ഐഎ ആവശ്യപ്പെട്ടിട്ടുണ്ട്. സംഘടനാ നേതാക്കളായ മുല്ലാ ദാദുല്ല, കാഷിഫ് ജാന്‍ എന്നിവരുടെ നമ്പറുകളും ഇതിലുള്‍പ്പെടും.