പണത്തിന് വേണ്ടി 12 വയസ്സുകാരന്‍ അമ്മയുടെ കഴുത്തറുത്തു

ഹൈദരാബാദ്: പണത്തിന് വേണ്ടി 12 വയസ്സുകാരന്‍ അമ്മയെ കഴുത്തറുത്ത് കൊന്നു. തെലങ്കാന മംഗള്‍ഹട്ടിയില്‍ താമസിക്കുന്ന രേണുക(40)ആണ് കൊല്ലപ്പെട്ടത്. ഭര്‍ത്താവ് മരിച്ചതിനെ തുടര്‍ന്ന് കഴിഞ്ഞ 10 വര്‍ഷമായി കുപ്പിയും പാട്ടയും പെറുക്കി വിറ്റാണ് രേണുകയും മകനും ജീവിച്ചിരുന്നത്. പണത്തിന്റെ പേരില്‍ ഇരുവരും തമ്മില്‍ വാക്കുതര്‍ക്കമുണ്ടാവുക പതിവായിരുന്നു. ശനിയാഴ്ച ജോലി കഴിഞ്ഞ് വീട്ടിലെത്തിയ മകനോട് രേണുക പണം ആവശ്യപ്പെട്ടു. പണം നല്‍കാന്‍ തയ്യാറാവാതിരുന്ന മകനുമായി രേണുക തര്‍ക്കത്തിലായി. ഇതിനിടയില്‍ കത്തിയെടുത്ത് മകന്‍ രേണുകയുടെ കഴുത്തറുക്കുകയായിരുന്നു. സംഭവത്തിന് ശേഷം പ്രതി ഒളിവിലാണ്.