നാഷനല് മെഡിക്കല് കമ്മീഷന് ബില്ലിനെതിരേ ധര്ണ
BY kasim kzm29 July 2018 3:17 AM GMT
kasim kzm29 July 2018 3:17 AM GMT
കോഴിക്കോട്: അടുത്ത ആഴ്ച പാര്ലമെന്റില് അവതരിപ്പിക്കാന് പോകുന്ന മെഡിക്കല് കമ്മീഷന് ബില്ലിനെതിരെ മെഡിക്കല് കോളജ് കവാടത്തില് വിവിധ സംഘടനകളുടെ നേതൃത്വത്തില് ഡോക്ടര്മാര് ധര്ണ്ണ നടത്തി. ഇന്ത്യന് മെഡിക്കല് അസോസിയേഷന്, കേരള ഗവ. മെഡിക്കല് കോളജ് ടീച്ചേഴ്സ് അസോസിയേഷന്, കേരള ഗവ. മെഡിക്കല് ഓഫീസേഴ്സ് അസോസിയേഷന്, ക്വാളിഫൈഡ് മെഡിക്കല് പ്രാക്ടീഷനേഴ്സ് അസോസിയേഷന് എന്നീ സംഘടനകളുടെ സംയുക്ത ആഭിമുഖ്യത്തിലാണ് സമരം നടത്തിയത്. നാഷണല് മെഡിക്കല് കമ്മീഷന് ബില്ല് പാസ്സാകുന്ന പക്ഷം പൊതുമേഖലയിലെ ആതുരസേവന രംഗത്തിന്റെ തകര്ച്ചക്കിടയാക്കുമെന്നും സര്ക്കാര് മെഡിക്കല് കോളജുകള് ഇല്ലാതാകുന്ന അവസ്ഥ സംജാതമാകുന്നതോടെ ആരോഗ്യരംഗം കുത്തകകളുടെ കൈകളിലെത്തുമെന്നും സാധാരണക്കാരായ മനുഷ്യര്ക്ക് ഭരണഘടന വിഭാവനം ചെയ്യുന്ന മൗലികാവകാശം നിഷേധിക്കപ്പെടുമെന്നും ഡോക്ടര്മാര് പറഞ്ഞു. അഖിലേന്ത്യ തലത്തിലുള്ള പ്രക്ഷോഭത്തിന്റെ ഭാഗമായാണ് കോഴിക്കോട് മെഡിക്കല് കോളജിലും സമരം സംഘടിപ്പിച്ചതെന്നും കേന്ദ്ര സര്ക്കാര് ഈ ബില്ല് അവതരിപ്പിക്കുന്നത് മാറ്റിവെക്കണമെന്നും സമരക്കാര് ആവശ്യപ്പെട്ടു. ഐഎംഎ പ്രസിഡണ്ട് ഡോ. റോയ് ചന്ദ്രന് ഉദ്ഘാടനം ചെയ്തു. ഡോ. കെ വി രാജു, ഡോ. പ്രദീപ് കുമാര്, ഡോ. സി എം അബൂബക്കര് ,ഡോ .ബാലകൃഷ്ണന് സംസാരിച്ചു.
Next Story
RELATED STORIES
തനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTഇസ്രായേല് നടത്തിയ വ്യോമാക്രമണത്തെ നിസാരവല്ക്കരിച്ച് ഇറാന്; ' അത്...
20 April 2024 10:14 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT