നാലു പോലിസ് സ്റ്റേഷനുകളിലേക്ക് 49 പുതിയ തസ്തികകള്‍

തിരുവനന്തപുരം: പുതുതായി പ്രവര്‍ത്തനം തുടങ്ങിയ നാലു പോലിസ് സ്റ്റേഷനുകളിലേക്ക് 49 പുതിയ തസ്തികകള്‍ സൃഷ്ടിക്കാന്‍ മന്ത്രിസഭാ യോഗം തീരുമാനിച്ചു. മൊത്തം 174 തസ്തികകളാണ് അനുവദിച്ചത്. ബാക്കി തസ്തികകള്‍ പുനര്‍വിന്യാസം വഴി നികത്തും. 2015-16 അധ്യയന വര്‍ഷം അനുവദിച്ച ഗവണ്‍മെന്റ് ഹയര്‍ സെക്കന്‍ഡറി സ്‌കൂളുകളിലേക്കും അധിക ബാച്ചുകളിലേക്കും, മതിയായ എണ്ണം കുട്ടികളുള്ള 39 ഗവണ്‍മെന്റ് ഹയര്‍ സെക്കന്‍ഡറി സ്‌കൂളുകളിലേക്കുമായി 259 തസ്തികകള്‍ സൃഷ്ടിക്കാന്‍ തീരുമാനിച്ചു. 2019ലെ പൊതു അവധി ദിനങ്ങളുടെ പട്ടിക അംഗീകരിക്കുന്നതിനും മന്ത്രിസഭാ യോഗത്തില്‍ തീരുമാനമായി.