നഴ്‌സുമാരുടെ ശമ്പള പരിഷ്‌കരണം; മാനേജ്‌മെന്റ് അപ്പീല്‍ തള്ളി

കൊച്ചി: നഴ്‌സുമാരുടെ ശമ്പള പരിഷ്‌കരണം റദ്ദാക്കണമെന്നാവശ്യപ്പെട്ട് സ്വകാര്യ ആശുപത്രി മാനേജ്‌മെന്റ് അസോസിയേഷന്‍ നല്‍കിയ അപ്പീല്‍ ഹൈക്കോടതി തള്ളി. അപ്പീല്‍ നിലനില്‍ക്കില്ലെന്ന് കോടതി വ്യക്തമാക്കി. ശമ്പള വിജ്ഞാപനം നടപ്പിലാക്കിയ സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് ശരിവെച്ചു. നഴ്‌സുമാരുടെ മിനിമം ശമ്പളം 2,0000 രൂപയാക്കി നേരത്തേ സര്‍ക്കാര്‍ ഉത്തരവ് പുറപ്പെടുവിച്ചിരുന്നു. ഡോക്ടര്‍മാര്‍ ഒഴികെയുള്ള മറ്റ് ആശുപത്രി ജീവനക്കാരുടെയും ശമ്പളം വര്‍ധിപ്പിച്ചിരുന്നു. ഇതിനെതിരേയാണ് മാനേജ്‌മെന്റ് അസോസിയേഷന്‍ ഹൈക്കോടതിയെ സമീപിച്ചത്.