നഴ്സിങ് ഹോമില് ഗുണ്ടാസംഘത്തിന്റെ തേര്വാഴ്ച
BY fousiya sidheek2 Oct 2017 3:16 AM GMT
fousiya sidheek2 Oct 2017 3:16 AM GMT
ഹൂഗ്ലി: പരിക്കേറ്റ സുഹൃത്തിന് ഉടന് ചികില്സ നല്കണമെന്നാവശ്യപ്പെട്ടു നഴ്സിങ് ഹോമില് ഗുണ്ടാ സംഘത്തിന്റെ തേര്വാഴ്ച. പശ്ചിമ ബംഗാളിലെ ശ്രീറാംപോരിലെ പാരാമൗണ്ട് നഴ്സിങ് ഹോമിലാണ് സംഭവം. ഞായറാഴ്ച രാവിലെ 6.30ഓടെയാണ് മോട്ടോര് ബൈക്കിലെത്തിയ 10ഓളം പേരടങ്ങുന്ന സംഘം ആശുപത്രിയുടെ ഐസിയുവിലേക്ക് അനുമതിയില്ലാതെ പ്രവേശിച്ചത്. ഡ്യൂട്ടി ഡോക്ടര്ക്കെതിരേ തോക്ക് ചൂണ്ടിയ സംഘം അപകടത്തില്പെട്ട സുഹൃത്തിന് ഉടന് ചികില്സ നല്കണമെന്ന് ആവശ്യപ്പെട്ടു. ചികില്സയുടെ ഭാഗമായി രേഖകളില് ഒപ്പുവയ്ക്കാന് പറഞ്ഞ ആശുപത്രി ജീവനക്കാരനെ സംഘം ക്രൂരമായി മര്ദിച്ചു. ആശുപത്രി ജീവനക്കാര് പോലിസിനെ വിളിച്ചതോടെ സംഘം പരിക്കേറ്റ സുഹൃത്തിനെയും കൊണ്ട് രക്ഷപ്പെട്ടു. ഇവര്ക്കൊപ്പം മുറിവേറ്റ ഒരാള് കൂടി ഉണ്ടായിരുന്നുവെന്ന് ആശുപത്രി സൂപ്രണ്ട് സുകേഷ് ജെയ്ന് പറഞ്ഞു.അക്രമത്തിനു പിന്നില് പ്രദേശത്തെ ഗുണ്ടാ സംഘമാണെന്നാണ് പോലിസിന്റെ പ്രാഥമിക നിഗമനം. മറ്റേതെങ്കിലും സംഘവുമായുള്ള ഏറ്റുമുട്ടലിനിടെ ആറംഗ സംഘത്തിലൊരാള്ക്ക് പരിക്കേറ്റതാവാമെന്നു കേസ് അന്വേഷിക്കുന്ന പോലിസ് ഉദ്യോഗസ്ഥര് പറഞ്ഞു. സിസിടിവി ദൃശ്യങ്ങളുടെ അടിസ്ഥാനത്തില് അന്വേഷണം പുരോഗമിക്കുകയാണെന്നും സുകേഷ് ജെയിന് വ്യക്തമാക്കി.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT