നക്ഷത്രത്തിളക്കത്തില് ക്രിസ്മസ് വിപണി
BY kasim kzm8 Dec 2017 2:19 AM GMT
kasim kzm8 Dec 2017 2:19 AM GMT
കണ്ണൂര്: ക്രിസ്മസിനെ വരവേ ല്ക്കാന് നഗരങ്ങളിലെയും ഗ്രാമങ്ങളിലെയും കടകളില് പ്രകാശം പരത്തി വിവിധ രൂപങ്ങളില് നക്ഷത്രവിളക്കുകള്. ഇത്തവണയും സിനിമകളുടെയും സിനിമാ ഗാനങ്ങളുടെയും പേരിലുള്ള നക്ഷത്രങ്ങളാണു താരം. 'വെളിപാടിന്റെ പുസ്തകം' എന്ന ചിത്രത്തിലെ 'എന്റമ്മേടെ ജിമിക്കി കമ്മല്' എന്ന സൂപ്പര്ഹിറ്റ് ഗാനത്തിലൂടെ പ്രശസ്തി നേടിയ ജിമിക്കി കമ്മലാണ് ഈ വര്ഷത്തെ സൂപ്പര്താരം. ഇതില് സ്വര്ണവര്ണത്തിലുള്ള നക്ഷത്രത്തിനു 350 രൂപയാണു വില. പച്ച, ചുവപ്പ്, നീല നിറത്തിലും നക്ഷത്രങ്ങളുണ്ട്. 'ടേക്ക് ഓഫാ'ണ് മറ്റൊരു പുതിയ ഇനം. വാലുകള്ക്കു നീളം കൂടുതലുള്ള പ്രത്യേക രൂപത്തിലുള്ള നക്ഷത്രമാണിത്. 'ബാഹുബലി'യുടെ പേരിലും നക്ഷത്രവും ഇറങ്ങിക്കഴിഞ്ഞു. 21 കാലുകളാണ് ഇതിന്റെ പ്രത്യേകത. ലേസര് ലൈറ്റുകള് ഘടിപ്പിച്ച നക്ഷത്രങ്ങള്ക്കും പ്ലാസ്റ്റിക്കിലും ഫൈബറിലും ഉണ്ടാക്കുന്നവയ്ക്കും ആവശ്യക്കാരേറെ. 400 രൂപയാണു ലേസര് ലൈറ്റ് നക്ഷത്രങ്ങളുടെ വില. കടലാസ് നക്ഷത്രങ്ങള്ക്കു 25 രൂപ മുതല് 300 രൂപ വരെ വിലയുണ്ട്. 100 മുതല് 400 രൂപ വരെ വിലയുള്ള ചൈനീസ് എല്ഇഡി നക്ഷത്രങ്ങള്ക്കും ആവശ്യക്കാരുണ്ട്. ക്രിസ്മസ് ട്രീകളും പുല്ക്കൂട് അലങ്കരിക്കാനുള്ള സെറ്റുകളും സുലഭം. ഒരടി മുതല് 14 അടി വരെയുള്ള ക്രിസ്മസ് ട്രീകള് കടകളില് ലഭിക്കും. ആശംസാ കാര്ഡ് വിപണിയും സജീവമായി. കഴിഞ്ഞ വര്ഷം നോട്ട് നിരോധനം വലച്ച ക്രിസ്മസ് വിപണി ഇത്തവണയെങ്കിലും സജീവമാവുമെന്ന പ്രതീക്ഷയിലാണു വ്യാപാരികള്.
Next Story
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT