ദേശീയപാതയിലെ കൊടുംവളവില് സംരക്ഷണഭിത്തി നിര്മാണം ആരംഭിച്ചു
BY fousiya sidheek22 Jun 2017 7:05 AM GMT
fousiya sidheek22 Jun 2017 7:05 AM GMT
പീരുമേട്: ദേശീയപാത 183ലെ അപകട സാധ്യതയേറിയ കൊടും വളവില് സംരക്ഷണ ഭിത്തിയുടെ നിര്മ്മാണം ആരംഭിച്ചു. 20 ലക്ഷം രൂപയാണ് ഇതിനായി വിനിയോഗിക്കുന്നത്.പാമ്പനാറിനു സമീപമാണ് ആദ്യഘട്ട നിര്മ്മാണം ആരംഭിച്ചിരിക്കുന്നത്.റോഡിന് താഴ് വശത്തു നിന്നും കരിങ്കല് ഉപയോഗിച്ച് കലുങ്ക് നിര്മ്മിച്ചാണ് സംരക്ഷണ ഭിത്തി നിര്മ്മിക്കുന്നത്. ടെണ്ടറിംഗ് നടപടികള് പൂര്ത്തീകരിച്ചിട്ടും നിര്മ്മാണ പ്രവര്ത്തനങ്ങള് നടന്നിരുന്നില്ല. പ്ലാസ്റ്റിക്ക് വള്ളി കെട്ടി നിര്ത്തിയിട്ട് ആഴ്ചകള് കഴിഞ്ഞെങ്കിലും വേണ്ട നടപടികള് അധികൃതര് എടുക്കാത്തതിനെ തുടര്ന്ന് മാധ്യമങ്ങളില് വാര്ത്ത വന്നിരുന്നു.ഇതിനെ തുടര്ന്നാണ് സംരക്ഷണഭിത്തിയുടെ നിര്മ്മാണ പ്രവര്ത്തനങ്ങള് വേഗത്തിലാക്കിയത്.മുമ്പും അപകടങ്ങള് ഈ വളവില് സംഭവിച്ചിട്ടുണ്ട്. ഇതിനു സമീപത്ത് ഇരുമ്പു കൊണ്ടുള്ള ബാരിക്കേഡുകള് ഉണ്ടെങ്കിലും സംരക്ഷണ ഭിത്തിയില്ലാത്തതിനാല് വളവില് മാത്രം ബാരിക്കേടുകള് സ്ഥാപിച്ചിരുന്നില്ല. ദേശീയ പാതയില് സുരക്ഷാ ഭിത്തികള് ഇല്ലാതെയുള്ള വളവുകളും പാതകളും നിരവധിയാണ്.സമാനമായ രീതിയില് ദേശീയപാത 183ല് അമ്പത്തിയേഴാം മൈലിനു സമീപത്ത് ചെങ്കൂത്തായ കൊക്കയോട് ചേര്ന്ന ഭാഗത്തെ കലുങ്ക് തകര്ന്ന് ഒരു മാസം പിന്നിടുമ്പോഴും ഈ ഭാഗത്ത് യാതൊരു നിര്മ്മാണ പ്രവര്ത്തനങ്ങളും ഉണ്ടായിട്ടില്ല. ടെണ്ടറിംഗ് നടപടി അവസാന ഘട്ടത്തിലാണെന്നാണ് അധികൃതര് പറയുന്നത്.ദേശിയ പാതയിലൂടെ യാത്ര ചെയ്യുന്ന വാഹനങ്ങള്ക്ക് അപകട സൂചന ബോര്ഡുകള് പോലും സ്ഥാപിക്കാന് ദേശീയ പാത വിഭാഗം അധികൃതര് തയ്യാറായിട്ടില്ല. ദിവസേന നൂറു കണക്കിന് വാഹനങ്ങളാണ് ഇത് വഴി പോകുന്നത്.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT