ദേശീയഗാനത്തിന് അനാദരവ് : രണ്ടു പേര്‍ അറസ്റ്റില്‍

എടപ്പാള്‍: സിനിമാ ഹാളില്‍, സിനിമ തുടങ്ങുന്നതിനു മുമ്പ് ആലപിച്ച ദേശീയഗാനത്തിന് എഴുന്നേറ്റുനിന്നില്ലെന്ന് ആരോപിച്ച് രണ്ടു പേരെ പോലിസ് അറസ്റ്റ് ചെയ്തു. ഇന്നലെ എടപ്പാളിലെ ഗോവിന്ദ തിേയറ്ററിലായിരുന്നു സംഭവം. പുറത്തൂര്‍ സ്വദേശികളായ അനസ് (26), നബീല്‍ (27) എന്നിവരെയാണു ചങ്ങരംകുളം പോലിസ് അറസ്റ്റ് ചെയ്തത്. സിനിമാഹാളില്‍ ദേശീയഗാനം ആലപിക്കുമ്പോള്‍ ഇവര്‍ എഴുന്നേറ്റു നില്‍ക്കാത്തതു സിസി ടിവിയില്‍ കണ്ടതിനെ തുടര്‍ന്നു തിേയറ്റര്‍ ജീവനക്കാര്‍ നല്‍കിയ പരാതിയിലാണു പോലിസ് ഇവരെ അറസ്റ്റ് ചെയ്തത്.