തെരുവുനായയുടെ ആക്രമണത്തില്‍ അഞ്ചുപേര്‍ക്ക് പരിക്ക്

മാനന്തവാടി:  തെരുവ് നായയുടെ ആക്രമണത്തില്‍ അഞ്ച് പേര്‍ക്ക് പരിക്കേറ്റു. പടിഞ്ഞാറത്തറ മുണ്ടക്കുറ്റി സ്വദേശികളായകല്ലാച്ചി ഉസ്മാന്റെ മകന്‍ സല്‍മാന്‍ (3) കളത്തുപാറ രാഘവന്റെ മകള്‍ അനുശ്രീ (16) കോട്ടവയല്‍വിന്‍ സി ( 31) മറിയം (50) ഉസാമ (17) എന്നിവര്‍ക്കാണ് പരിക്കേറ്റത്. കണ്ണിനും തലയ്ക്കും ഗുരുതരമായി പരിക്കേറ്റ സല്‍മാനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. മറ്റുള്ളവര്‍ക്ക് ജില്ലാ ആശുപത്രിയില്‍ ചികില്‍സ നല്‍കി. ഇന്നലെ ഉച്ചക്ക് രണ്ടോടെ വീടിനടുത്തെ വയലിലും പരിസര പ്രദേശങ്ങളിലും വച്ചാണ് കടിയേറ്റത്.