തീര്ത്ഥാടന ടൂറിസം: 91.72 കോടിയുടെ പദ്ധതിക്ക് കേന്ദ്ര അംഗീകാരം
BY kasim kzm12 Oct 2018 4:12 AM GMT
kasim kzm12 Oct 2018 4:12 AM GMT
തിരുവനന്തപുരം: വിനോദസഞ്ചാര വികസനത്തിന്റെ ഭാഗമായി സംസ്ഥാനത്തെ 147 തീര്ത്ഥാടന കേന്ദ്രങ്ങളുടെ അടിസ്ഥാനസൗകര്യ വികസനത്തിന് 91.72 കോടി രൂപയുടെ പദ്ധതികള് നടപ്പാക്കും. ഈ തീര്ത്ഥാടന കേന്ദ്രങ്ങളുടെ അടിസ്ഥാന സൗകര്യ വികസനത്തിന് സംസ്ഥാന വിനോദസഞ്ചാരവകുപ്പ് സമര്പ്പിച്ച പദ്ധതിക്ക് കേന്ദ്ര വിനോദസഞ്ചാര മന്ത്രാലയം തത്വത്തില് അംഗീകാരം നല്കി. തീര്ത്ഥാടന ടൂറിസം മൂന്നാം സര്ക്യൂട്ടിന്റെ വികസനത്തിന്റെ ഭാഗമായാണ് പദ്ധതി നടപ്പാക്കുക. ഏഴ് ക്ലസ്റ്ററുകളായി തിരിച്ച് ജില്ലകളിലെ പ്രധാനപ്പെട്ട ഹിന്ദു, ക്രിസ്ത്യന്, മുസ്ലിം തീര്ത്ഥാടന കേന്ദ്രങ്ങളില് അടിസ്ഥാന സൗകര്യ വികസനം നടപ്പാക്കും. 10.91 കോടിയുടെ പദ്ധതികള് നടപ്പാക്കുന്ന കാസര്കോട് ജില്ലയാണ് ഒന്നാം ക്ലസ്റ്ററിലുള്ളത്. വയനാട്, കണ്ണൂര്, കോഴിക്കോട് ജില്ലകള് ചേരുന്ന രണ്ടാം ക്ലസ്റ്ററില് 9.29 കോടിയുടെ പദ്ധതികളും പാലക്കാട്, മലപ്പുറം ജില്ലകള് അടങ്ങുന്ന മൂന്നാം ക്ലസ്റ്ററില് 9.03 കോടിയുടെ പദ്ധതികളുമാണു വിഭാവനം ചെയ്തിട്ടുള്ളത്. 14.24 കോടിയുടെ പദ്ധതികള് നടപ്പാക്കുന്ന നാലാം ക്ലസ്റ്ററില് തൃശൂര്, എറണാകുളം, ഇടുക്കി ജില്ലകളാണുള്ളത്. കോട്ടയവും ആലപ്പുഴയും അടങ്ങുന്ന അഞ്ചാം ക്ലസ്റ്ററില് 19.91 കോടി രൂപയുടെ വികസന പദ്ധതികള് ആവിഷ്കരിക്കും. ആറാം ക്ലസ്റ്ററിലെ പത്തനംതിട്ട ജില്ലയില് 11.80 കോടി രൂപയുടെ പദ്ധതികളാണു നടപ്പാക്കുക. കൊല്ലം, തിരുവനന്തപുരം ജില്ലകള് ചേരുന്ന ഏഴാം ക്ലസ്റ്ററില് 12.16 കോടി രൂപയുടെ പദ്ധതികളുമാണ് വിഭാവനം ചെയ്തിട്ടുള്ളത്.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT