തിരൂരില്‍ ബിജെപി സിപിഎം സംഘര്‍ഷം: പ്രവര്‍ത്തകര്‍ക്ക് പരിക്ക്

മലപ്പുറം: തിരൂരില്‍ ബിജെപി സിപിഎം പ്രവര്‍ത്തകര്‍ തമ്മില്‍ സംഘര്‍ഷം. സംഭവത്തില്‍ പ്രവര്‍ത്തകര്‍ക്ക് പരിക്കേറ്റു. സിപിഎം പ്രവര്‍ത്തകനെ ഒരു സംഘം അക്രമിക്കുന്നത് തടയാന്‍ ശ്രമിക്കുമ്പോഴാണ് സംഘര്‍ഷമുണ്ടായതെന്നാണ് വിവരം.

സിപിഎം മലപ്പുറം ഏരിയാ കമ്മിറ്റി അംഗവും മുന്‍ താനൂര്‍ ഏരിയാ സെക്രട്ടറിയുമായ ഇ ജയനെതിരെയാണ് ആക്രമണമുണ്ടായത്. ഇ ജയനെ പരിക്കുകളോടെ സമീപത്തെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇരുപതോളം വരുന്ന ആര്‍എസ്എസ് പ്രവര്‍ത്തകരാണ് ആക്രമണത്തിന് പിന്നിലെന്ന് സിപിഎം ആരോപിച്ചു. സംഭവത്തില്‍ പ്രതിഷേധിച്ച് മലപ്പുറം ജില്ലയിലെ ഒഴുര്‍ പഞ്ചായത്തില്‍ തിങ്കളാഴ്ച ഹര്‍ത്താല്‍ നടത്താന്‍ സിപിഎം ആഹ്വാനം ചെയ്തു.