ഡോക്ടറും നാട്ടുകാരും തമ്മില് കൈയാങ്കളി
BY kasim kzm12 Feb 2018 2:50 AM GMT
kasim kzm12 Feb 2018 2:50 AM GMT
കൊടുങ്ങല്ലൂര്: ഗുരുതരമായി പരിക്കേറ്റ മൂന്നര വയസ്സുകാരിയെ വിദഗ്ധ ചികില്സയ്ക്കു കൊണ്ടുപോയ ആംബുലന്സില് നിന്നു കൂടെപോവാനൊരുങ്ങിയ നഴ്സിനെ ഡോക്ടര് വിളിച്ചിറക്കി. ഇതില് ക്ഷുഭിതരായ നാട്ടുകാര് ഡോക്ടറെ കൈകാര്യം ചെയ്തു. ആശുപത്രിയുടെ നേരെയും ആക്രമണമുണ്ടായി. ഇന്നലെ വൈകീട്ട് നാലോടെ കൊടുങ്ങല്ലൂര് ഗൗരിശങ്കര് ആശുപത്രിയിലാണ് സംഭവം. ചേരമാന് മസ്ജിദിനു സമീപം നിയന്ത്രണം വിട്ട് ഓട്ടോറിക്ഷ മതിലിലിടിക്കുകയായിരുന്നു. കുഴുപ്പിള്ളി പുന്നിലത്തു അബ്ദുല് അസീസ്, ഭാര്യ സക്കീന, ഇവരുടെ മകന്റെ ഭാര്യ, രണ്ടു കുഞ്ഞുങ്ങള് എന്നിവരാണ് അപകടത്തില്പെട്ടത്. ഓട്ടോയുടെ അടിയില്പ്പെട്ട മൂന്നര വയസ്സുകാരി ഫാത്തിമയെയുമായാണു നാട്ടുകാര് ഗൗരിശങ്കര് ആശുപത്രിയിലെത്തിയത്. അപകടത്തില് തലയ്ക്ക് ഗുരുതരമായി പരിക്കേറ്റ കുഞ്ഞിനെ ആശുപത്രിയില് ഡ്യുട്ടിയിലുണ്ടായിരുന്ന ആര് എംഒ ഡോ. രാഹുല് മേനോന് കൊച്ചിയിലെ സ്വകാര്യ ആശുപത്രിയിലേക്കു റഫര് ചെയ്തു. ഇതോടെ പരിക്കേറ്റ മറ്റുള്ളവരെയും കൊച്ചിയിലേക്ക് കൊണ്ടുപോവാനായി ആംബുലന്സില് കയറ്റി. കൂടെ പോവാനായി ആശുപത്രിയില് നിന്നു നഴ്സും ആംബുലന്സില് കയറി. എന്നാല് ഡോ. രാഹുല് മേനോന് ഇവരെ നിര്ബന്ധപൂര്വം ആംബുലന്സില് നിന്നു വിളിച്ചിറക്കുകയായിരുന്നു. സംഭവം കണ്ടുനിന്ന നാട്ടുകാര് നടപടി ചോദ്യം ചെയ്തതോടെ ഡോക്ടര് നാട്ടുകാരോടു തട്ടിക്കയറുകയായിരുന്നുവത്രെ. ക്ഷുഭിതരായ നാട്ടുകാര് ഡോക്ടറെ കൈകാര്യം ചെയ്യുകയായിരുന്നു. ഇതിനിടെ ആശുപത്രിയിലെ ഒപി കാബിന് നാട്ടുകാരില് ചിലര് അടിച്ചുതകര്ത്തു. മര്ദനമേറ്റ ഡോക്ടര് നാട്ടുകാര്ക്കിടയില് നില്ക്കുകയായിരുന്ന അഞ്ചപ്പാലം സ്വദേശി ഷെഫീഖിനെ, തന്നെ മര്ദിച്ചയാളെന്നു പറഞ്ഞ് കഴുത്തിനു പിടിച്ച് ആക്രമിച്ചതോടെ നാട്ടുകാര് വീണ്ടും ഇടഞ്ഞു. സംഭവസ്ഥലത്തെത്തിയ നഗരസഭാ കൗണ്സിലര് കെ എസ് കൈസാബ് ഇടപെട്ടാണു നാട്ടുകാരെ ശാന്തരാക്കിയത്. അതേസമയം, ഗുരുതരമായി പരിക്കേറ്റ കുഞ്ഞ് കൊച്ചിയിലെ സ്വകാര്യ ആശുപത്രിയിലേക്കുള്ള വഴിയേ മരിച്ചു.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT