ഡബ്ല്യുഎച്ച്ഒ അസുഖങ്ങളുടെ പട്ടിക പുറത്തിറക്കി

ജനീവ: ലോകാരോഗ്യ സംഘടന അസുഖങ്ങളെ തരംതിരിച്ചുള്ള പുതിയ പട്ടിക- ഐസിഡി കക പുറത്തിറക്കി. ലോകവ്യാപകമായി അസുഖങ്ങളെ തരംതിരിക്കുന്നത് ഐസിഡി പട്ടിക ഉപയോഗിച്ചാണ്. ആരോഗ്യ ഇന്‍ഷുറന്‍സ് കമ്പനികളും മെഡിക്കല്‍ റീ ഇംപേഴ്‌സ്‌മെന്റിനു വേണ്ടി ആശുപത്രികളുമെല്ലാം അടിസ്ഥാനമാക്കുന്നത് ലോകാരോഗ്യ സംഘടനയുടെ ഈ പട്ടികയാണ്.
രോഗങ്ങള്‍, മുറിവുകള്‍ എന്നിവ ഉള്‍പ്പെടെ 55,000 ഇനം അസുഖങ്ങളാണ് ഇതിലുള്ളത്. വീഡിയോ ഗെയിമിനുള്ള ആസക്തി മാനസികരോഗങ്ങളില്‍ ഉള്‍പ്പെടുത്തിയിട്ടുണ്ട്. ധാരാളം സമയം സ്‌ക്രീനിന് മുമ്പിലിരിക്കുന്നത്  ബന്ധങ്ങളില്‍  കുറവുവരാന്‍ കാരണമാവുന്നുവെന്നും ഇത് കുട്ടികളും മുതിര്‍ന്നവരും തമ്മിലുള്ള ബന്ധത്തെപ്പോലും ബാധിക്കുന്നുവെന്നും  ഐസിഡി പട്ടികയിലുണ്ട്.