ഡഗ് ബോളിംഗര്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ചു

സിഡ്‌നി: ആസ്‌ത്രേലിയന്‍ ക്രിക്കറ്റ് താരം ഡഗ് ബോളിംഗര്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ചു. ആസ്‌ത്രേലിയന്‍ ദേശീയ ടീമിന് വേണ്ടി 12 ടെസ്റ്റും 39 ഒമ്പത് ഏകദിനവും ഒമ്പത് ട്വന്റി20യും കളിച്ച സൂപ്പര്‍ ഫാസ്റ്റ് ബൗളറായ ബോളിംഗര്‍ ഐപിഎല്ലിലും സജീവ സാന്നിധ്യമായിരുന്നു. ടെസ്റ്റില്‍ 50, ഏകദിനത്തില്‍ 62, ട്വന്റി20 യില്‍ ഒമ്പത് വിക്കറ്റുകളുമാണ് 36 കാരനായ ബോളിംഗറുടെ സമ്പാദ്യം.2014ല്‍ പരിക്കിനെത്തുടര്‍ന്ന് ഓസീസ് ദേശീയ ടീമില്‍ നിന്ന് പുറത്തായ ബോളിംഗര്‍ക്ക് പിന്നീട് ടീമിലേക്ക് തിരിച്ചുവരാനായില്ല.