ടിം കാഹില് അന്താരാഷ്ട്ര ഫുട്ബോളില് നിന്ന് വിരമിച്ചു
BY vishnu vis18 July 2018 5:56 AM GMT
X
vishnu vis18 July 2018 5:56 AM GMT
കാന്ബെറ: ആസ്ത്രേലിയന് ഫുട്ബോളിന്റെ എക്കാലത്തേയും മികച്ച ഗോള്വേട്ടക്കാരന് ടിം കാഹില് അന്താരാഷ്ട്ര ഫുട്ബോളില് നിന്ന് വിരമിച്ചു. ട്വിറ്ററിലൂടെയാണ് 38കാരനായ കാഹില് വിരമിക്കല് പ്രഖ്യാപിച്ചത്. റഷ്യയില് പന്ത് തട്ടിയ കാഹില് ആകെ നാല് ലോകകപ്പുകളില് ആസ്ത്രേലിയന് ജഴ്സി അണിഞ്ഞിട്ടുണ്ട്. അതേസമയം അന്താരാഷ്ട്ര ഫുട്ബോളില് നിന്ന് വിരമിച്ച കാഹില് ക്ലബ് ഫുട്ബോളില് തുടരുമോയെന്ന കാര്യം ഇപ്പോഴും സ്ഥിരീകരിച്ചിട്ടില്ല.അന്താരാഷ്ട്ര ഫുട്ബോളില് നിന്ന് ഞാന് ഔദ്യോഗികമായി വിരമിക്കുന്നത് ഇന്നാണ്. ഇത്ര വര്ഷങ്ങളായി ആസ്ത്രേലിയന് ജഴ്സി അണിഞ്ഞപ്പോള് എനിക്ക് നല്കിയ എല്ലാ പിന്തുണയക്കും നന്ദി- ചൊവ്വാഴ്ച രാവിലെ കാഹില് ട്വീറ്റ് ചെയ്തു. 2004ല് ദേശീയ ടീമിനായി അരങ്ങേറ്റം കുറിച്ച കാഹില് ഇതുവരെ 107 മല്സരങ്ങളിലായി 50 ഗോളുകള് അക്കൗണ്ടിലാക്കി. 20 ഗോളുകള് നേടിയ ബ്രെട്ട് എമെര്ട്ടനും മിലെ ജെഡിനാക്കുമാണ് ആസ്ത്രേലിയന് ഗോള്വേട്ടയില് കാഹിലിന് പിറകിലുള്ള താരങ്ങള്. റഷ്യന് ലോകകപ്പില് ജൂണ് 26ന് പെറുവിനെതിരേയാണ് കാഹില് അവസാനമായി ടീമിന് വേണ്ടി കളിച്ചത്. 2006 ലോകകപ്പില് ഗോള് നേടി ആസ്ത്രേലിയക്കായി ആദ്യമായി ലോകകപ്പ് ഗോള് നേടുന്ന താരമെന്ന നേട്ടം കൈവരിച്ച കാഹില് തുടര്ന്ന് നടന്ന 2010,2014 ലോകകപ്പുകളിലും ടീമിനായി വല ചലിപ്പിച്ചു. 1998ല് കരിയര് ആരംഭിച്ച കാഹില് ദീര്ഘ കാലം ഇംഗ്ലണ്ടിലാണ് കളിച്ചത്.
Next Story
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT