ജെസ്നയുടെ തിരോധാനം:സിസിടിവി ദൃശ്യങ്ങള് കണ്ടെടുക്കാന് പോലിസ്
BY Jasmi JMI23 Jun 2018 5:52 AM GMT
X
Jasmi JMI23 Jun 2018 5:52 AM GMT
മലപ്പുറം: മലപ്പുറം കോട്ടകുന്ന് പാര്ക്കില് കാണാതായ ബിരുദ വിദ്യാര്ഥിനി ജെസ്ന മരിയ ജെയിംസ് വന്നെന്ന സംശയത്തെ തുടര്ന്ന്
മലപ്പുറത്ത് പോലീസ് അന്വേഷണം നടത്തുന്നതു തുടരുന്നു. കോട്ടക്കുന്നിലെത്തിയ പ്രത്യേക അന്വേഷണസംഘം ജസ്ന വന്നെന്നു സംശയിച്ച പാര്ക്കിലെ സിസിടിവി ദൃശ്യം വീണ്ടും പരിശോധിച്ചു. ഇതുവരെയുള്ള അന്വേഷണത്തില് പാര്ക്കിലെത്തിയത് ജസ്നയല്ലെന്നു കണ്ടെത്തിയിട്ടുണ്ടെന്ന് വെച്ചൂച്ചിറ എസ്ഐ ദിനേഷ് കുമാര് അറിയിച്ചു.പാര്ക്കിനോടടുത്തുള്ള കടകളിലെ സിസിടിവി ദൃശ്യങ്ങളും പോലീസ് പരിശോധനക്ക് വിധേയമാക്കുന്നുണ്ട്. പാര്ക്കിലെ സിസി ടിവിക്ക് പതിനഞ്ചു ദിവസത്തെ ബാക്കപ് മാത്രം ഉള്ളതിനാല് ദൃശ്യങ്ങള് വീണ്ടെടുക്കാനുള്ള ശ്രമം വീണ്ടും തുടരുകയാണ്. പാര്ക്കിലെ സിസിടിവിയുടെ ഹാര്ഡ് ഡിസ്ക് പരിശോധിക്കാന് കൊണ്ടുപോവുകയാണെന്നും അദ്ദേഹം പറഞ്ഞു. ജെസ്നയോടു സാമ്യമുള്ള പെണ്കുട്ടിയെ കണ്ടതായി പറഞ്ഞ നാലുപേരുടെ മൊഴിയും ഇന്നലെ പോലീസ് രേഖപ്പെടുത്തി. പാര്ക്കിലെ മാനേജരുടെയും സെക്യൂരിറ്റിയു മൊഴിയാണ് രേഖപ്പെടുത്തിയത്. ജെസ്നയുടെ ഫോട്ടോ കാണിച്ചാണ് മൊഴി രേഖപ്പെടുത്തിയിരുന്നത്. ജെസ്നയോടു രൂപസാദൃശ്യമുള്ള പെണ്കുട്ടിയാണെങ്കിലും അതു ജെസ്നയല്ലെന്നാണ് ഇവര് നാലുപേരും പറഞ്ഞത്. എന്നാല് ഒരു സംശയത്തിനു പോലും ഇടയുണ്ടാകാതിരിക്കാനാണ് വീണ്ടും ദൃശ്യങ്ങള് പരിശോധിക്കുന്നത്.
കോട്ടക്കുന്നിലെ ടൂറിസം പാര്ക്കില് മറ്റൊരു പെണ്കുട്ടിക്കൊപ്പം ജെസ്നയെ കണ്ടെന്ന വിവരത്തിന്റെ അടിസ്ഥാനത്തിലാണ് അന്വേഷണം നടത്തിയത്. മേയ് മൂന്നിനു രാവിലെ 11 മുതല് രാത്രി 8 വരെ ജെസ്നയെന്ന് സംശയിക്കുന്ന കുട്ടിയും സുഹൃത്തും കോട്ടക്കുന്നിലുണ്ടായിരുന്നുവെന്നാണ് പോലീസിനു ലഭിച്ച വിവരം. ദൂരയാത്രയ്ക്കു ശേഷം എത്തിയതാണെന്ന് തോന്നിക്കും വിധമായിരുന്നു പെണ്കുട്ടികള് ഇവിടെ എത്തിയതെന്നും പോലീസിനു വിവരം ലഭിച്ചിരുന്നു.
Next Story
RELATED STORIES
സര്ക്കാര് മാറിയാല് മാതൃകാപരമായ നടപടിയുണ്ടാവും; ഇത് എന്റെ...
29 March 2024 2:46 PM GMTപയ്യാമ്പലത്തെ സി പി എം സ്മൃതി കുടീരങ്ങള്ക്ക് നേരെയുണ്ടായ അതിക്രമം;...
29 March 2024 2:17 PM GMTമുക്താര് അന്സാരിയുടെ സംസ്കാര ചടങ്ങില് പങ്കെടുക്കണം; കോടതിയെ...
29 March 2024 1:56 PM GMTകോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTകെജ്രിവാളിന് പിന്തുണ അറിയിക്കാന് വാട്സാപ് നമ്പര്; 'കെജ്രിവാള് കൊ ...
29 March 2024 11:21 AM GMT