ജെഎന്യുവിലേതു രാജ്യദ്രോഹമല്ല: ചിദംബരം
BY swapna en26 Feb 2016 6:07 AM GMT
X
swapna en26 Feb 2016 6:07 AM GMT
ന്യൂഡല്ഹി: നിയമം അറിയുന്ന ഏതൊരു നിയമഞ്ജനും ജെഎന്യുവില് നടന്നത് രാജ്യദ്രോഹമല്ലെന്ന് സ്ഥിരീകരിക്കുമെന്ന് മുന് ധനകാര്യ-ആഭ്യന്തര മന്ത്രിയും കോണ്ഗ്രസ്സ് നേതാവുമായ ചിദംബരം. ജെഎന്യുവില് അഫ്സല് ഗുരു അനുസ്മരണം നടത്തിയ ഏതാനും വിദ്യാര്ത്ഥികള്ക്കെതിരേ രാജ്യദ്രോഹക്കുറ്റം ചുമത്തിയത് ഇന്ത്യന് നിയമവ്യവസ്ഥയ്ക്ക് എതിരാണ്. ഇതില് ചില വിദ്യാര്ത്ഥികള്ക്ക് മാവോയിസ്റ്റ് ആശയങ്ങളോട് യോജിപ്പുണ്ട്. ചില വിദ്യാര്ത്ഥികള്ക്ക് അഫ്സല് ഗുരുവിനെ തൂക്കിലേറ്റിയതിന് എതിര്പ്പുണ്ട്. ഇക്കാരണങ്ങള് കൊണ്ട് വിദ്യാര്ത്ഥികള്ക്ക് നേരെ രാജ്യദ്രോഹക്കുറ്റം ചുമത്തുകയെന്ന കാര്യം അംഗീകരിക്കാന് സാധ്യമല്ല-ചിദംബരം ഒരു ദേശീയ പത്രത്തിന് അനുവദിച്ച അഭിമുഖത്തില് പറഞ്ഞു.
പാകിസ്താന് സിന്ദാബാദ് എന്ന മുദ്രാവാക്യം കശ്മീരില് ദിനംപ്രതി കേള്ക്കുന്നു. ഖലിസ്താന് സിന്ദാബാദ് എന്ന മുദ്രാവാക്യം പഞ്ചാബിലും മുഴങ്ങുന്നു. തമിഴ്നാട്ടില് എല്ടിടിഇക്ക് ജയ് വിളിക്കുന്നു. മുന് പ്രധാനമന്ത്രി രാജീവ് ഗാന്ധിയെ വധിച്ച സംഘടനയാണ് എല്ടിടിഇ. മേല്പ്പറഞ്ഞ ചില കാര്യങ്ങളില് ചിലത് കുറ്റകരമാണ്. രാജ്യദ്രോഹവുമാണ്. അതിനെതിരേ നടപടിയുമില്ല. ഇക്കാര്യങ്ങള് നോക്കുമ്പോള് ജെഎന്യുവില് നടന്നത് രാജ്യദ്രോഹമല്ല. കനയ്യ കുമാറിന്റെ പ്രസംഗത്തില് രാജ്യദ്രോഹപരാമര്ശമില്ല. കേന്ദ്ര സര്ക്കാരിന്റെ ഒളിഅജണ്ടകള് നടപ്പാക്കാന് ജെഎന്യുവിനെ കരുവാക്കുന്നു. കശ്മീരില് നടക്കുന്നതിന്റെ പ്രത്യാഘാതങ്ങളാണ് ദാദ്രിയിലേതും ജെഎന്യുവിലേതും. ഇന്ത്യയിലെ മുസ്ലിങ്ങളുടെ പ്രശ്നങ്ങള് മുഴുവന് കശ്മീരിലേ മുസ്ലിങ്ങളുടേതു കൂടിയാണ്. കശ്മീരിലെ പ്രതിഷേധങ്ങള് മുഖവിലക്കെടുക്കേണ്ടതുണ്ടെന്നും ചിദംബരം പറഞ്ഞു.
Next Story
RELATED STORIES
വോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMT