ജെഇഇ പരീക്ഷാഫലം : സമൂസ വില്‍പനയ്ക്കിടയിലും ഉയര്‍ന്ന റാങ്ക് കരസ്ഥമാക്കി മോഹന്‍ അഭ്യാസ്

ഹൈദരാബാദ്: പിതാവിനൊപ്പം സമൂസ വില്‍പന നടത്തുന്ന 17കാരന് ജെഇഇ അഡ്വാന്‍സ്ഡ് പരീക്ഷയില്‍ 64ാം റാങ്ക്. മെയിന്‍ പരീക്ഷയില്‍ ദേശീയതലത്തില്‍ ആ റാം റാങ്കും വബിലിസെട്ടി മോഹന്‍ അഭ്യാസ് എന്ന വിദ്യാര്‍ഥി കരസ്ഥമാക്കിയിട്ടുണ്ട്. സമൂസ ഉണ്ടാക്കി വില്‍ക്കുന്ന അച്ഛനെ സഹായിക്കുന്ന അഭ്യാസ് ജോലി തന്റെ വിദ്യാഭ്യാസത്തെ ബാധിക്കാതെ ശ്രദ്ധിച്ചിരുന്നു. അധ്യാപകരും മാതാപിതാക്കളും ന ല്‍കിയ പിന്തുണയാണ് തന്റെ വിജയത്തിനു പിന്നിലെന്നു പറഞ്ഞ അഭ്യാസ് തനിക്ക് അബ്ദുല്‍കലാമിനെ പോലെ ശാസ്ത്രജ്ഞനാവാനാണ് ആഗ്രഹമെന്നും പറയുന്നു. ഐഐടി മദ്രാസില്‍ സീറ്റ് ഉറപ്പായതോടെ മകന്റെ  ആഗ്രഹം സഫലമാക്കാം എന്ന സന്തോഷത്തിലാണ് ഈ കുടുംബം. കുടുംബത്തിന്റെ  വാ ര്‍ഷിക വരുമാനം ഒരുലക്ഷത്തില്‍ താഴെയാണെങ്കിലും തങ്ങള്‍ വിദ്യാഭ്യാസത്തിനാണു പ്രാധാന്യം കൊടുക്കുന്നതെന്നും കൂടുതല്‍ മെച്ചപ്പെട്ട ജീവിതം മക്കള്‍ക്ക് ഉണ്ടാവണമെന്നാണ് ആഗ്രഹമെന്നും അഭ്യാസിന്റെ പിതാവ് പറഞ്ഞു.