ജുനൈദിന് അനുശോചനം രേഖപ്പെടുത്താന് തയ്യാറായില്ല ; പാര്ലമെന്ററി സമിതി യോഗം എംപിമാര് ബഹിഷ്കരിച്ചു
BY fousiya sidheek30 Jun 2017 2:33 AM GMT
fousiya sidheek30 Jun 2017 2:33 AM GMT
ന്യൂഡല്ഹി: തീവണ്ടിയില് വംശീയ കൊലയ്ക്കിരയായ ജുനൈദിന്റെ മരണത്തില് അനുശോചനം രേഖപ്പെടുത്താന് വിസമ്മതിച്ചതിനെ തുടര്ന്ന് ന്യൂനപക്ഷകാര്യമന്ത്രി മുഖ്താര് അബ്ബാസ് നഖ്വിയുടെ അധ്യക്ഷതയില് ചേര്ന്ന പാര്ലമെന്റ് സമിതി യോഗത്തില് നിന്ന് എംപിമാര് ഇറങ്ങിപ്പോന്നു. തുടര്ന്ന് യോഗം നടത്താനാവാതെ പിരിച്ചുവിട്ടു. യോഗത്തില് ജുനൈദിനു വേണ്ടി അനുശോചനം രേഖപ്പെടുത്തണമെന്ന് എംപിമാര് ആവശ്യപ്പെട്ടെങ്കിലും അജണ്ടയിലില്ലാത്ത കാര്യമാണെന്നും അത് അംഗീകരിക്കാന് കഴിയില്ലെന്നും കേന്ദ്രമന്ത്രി നിലപാടെടുത്തു. ഇതോടെ ഇ ടി മുഹമ്മദ് ബഷീര് (മുസ്ലിംലീഗ്), എം ഐ ഷാനവാസ്, മൗസം നൂര് (ഇരുവരും കോണ്ഗ്രസ്), ജോയി അബ്രഹാം (കേരളാ കോണ്ഗ്രസ്), ഇദ്രീസ് അലി (തൃണമൂല് കോണ്ഗ്രസ്), അലി അന്വര് അന്സാരി (ജെഡിയു) എന്നിവരാണ് യോഗത്തില് നിന്ന് ഇറങ്ങിപ്പോന്നത്. ഇന്നലെ പാര്ലമെന്റ് ഹൗസ് അനെക്സില് നടന്ന യോഗത്തില് മൊത്തം 21 അംഗങ്ങളില് കേന്ദ്രമന്ത്രിയെ കൂടാതെ ആറു പേര് മാത്രമാണ് പങ്കെടുത്തിരുന്നത്. ആറു പേരും ബഹിഷ്കരിച്ചതോടെ അധ്യക്ഷന് യോഗം പിരിച്ചുവിടുകയായിരുന്നു.
Next Story
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT