ജിഷ വധം: കേന്ദ്ര ശിശുക്ഷേമ വകുപ്പ് റിപോര്‍ട്ട് കൈമാറി

ന്യൂഡല്‍ഹി: പെരുമ്പാവൂരിലെ ജിഷ വധം സംബന്ധിച്ച കേന്ദ്ര ശിശുക്ഷേമ വകുപ്പിന്റെ റിപോര്‍ട്ട് ആഭ്യന്തരമന്ത്രാലയത്തിനു കൈമാറി. വനിതാ-ശിശുക്ഷേമ മന്ത്രി മേനക ഗാന്ധിയാണ് റിപോര്‍ട്ട് കൈമാറിയത്. കേസന്വേഷണത്തില്‍ പോലിസ് വീഴ്ചവരുത്തിയതായും തെളിവു ശേഖരിക്കുന്നതില്‍ പാളിച്ചയുണ്ടായതായും റിപോര്‍ട്ടില്‍ ചൂണ്ടിക്കാട്ടുന്നു. തിരഞ്ഞെടുപ്പായതിനാല്‍ അന്വേഷണം മന്ദഗതിയിലായതായും ജിഷയെ അയല്‍ക്കാര്‍ ശല്യപ്പെടുത്തിയിരുന്നതായും റിപോര്‍ട്ടില്‍ പറയുന്നു.