ജാലിയന്‍വാലാബാഗ് കിണറില്‍ മോഷണം

അമൃത്‌സര്‍: ജാലിയന്‍വാലാബാഗ് രക്തസാക്ഷികളുടെ കിണറില്‍ നിന്ന് 3000 രൂപ മോഷ്ടിച്ചു. 1919 ഏപ്രില്‍ 13ന് ബ്രിട്ടീഷ് സൈന്യത്തിന്റെ വെടിയേറ്റു മരിച്ച രക്തസാക്ഷികളെ അനുസ്മരിക്കാന്‍ സ്ഥലം സന്ദര്‍ശകര്‍ കിണറില്‍ നിക്ഷേപിച്ച നാണയങ്ങളും നോട്ടുകളുമാണ് മോഷ്ടാക്കള്‍ കൊണ്ടുപോയത്.
1919ല്‍ ബ്രിട്ടീഷ് സൈന്യത്തിന്റെ വെടിവയ്പില്‍ നിന്നും രക്ഷപ്പെടാന്‍ നൂറോളം പേര്‍ ഈ കിണറില്‍ ചാടിയിരുന്നു. 15 അടി ആഴമുള്ള കിണറില്‍ കയര്‍ ഉപയോഗിച്ചാണ് മോഷ്ടാക്കള്‍ ഇറങ്ങിയത്. കിണറിന്റെ ഇരുമ്പുവല നശിപ്പിച്ച നിലയിലാണ്. സംഭവവുമായി ബന്ധപ്പെട്ട് ഒരാളെ പോലിസ് കസ്റ്റഡിയിലെടുത്തിട്ടുണ്ട്്്.  പ്രദേശത്തെ രണ്ടു മോഷ്ടാക്കള്‍ സംഭവത്തില്‍ ഉള്‍പ്പെട്ടതായി പോലിസ് സംശയിക്കുന്നു.
പ്രദേശത്ത് സിസിടിവി ഇല്ലായിരുന്നു. സ്ഥലത്തെ സുരക്ഷയ്ക്ക് സെക്യൂരിറ്റി ജീവനക്കാരനെ നിയോഗിച്ചിട്ടുണ്ടായിരുന്നു.