ചെന്നൈ പ്രളയബാധിതരെ സഹായിക്കുക: പോപുലര്‍ ഫ്രണ്ട്

കോഴിക്കോട്: ചെന്നൈയില്‍ പ്രളയംമൂലം ദുരിതമനുഭവിക്കുന്നവരെ സഹായിക്കാന്‍ പോപുലര്‍ ഫ്രണ്ട് ദുരിതാശ്വാസ ഫണ്ടിലേക്ക് അകമഴിഞ്ഞ് സംഭാവന ചെയ്യണമെന്ന് സംസ്ഥാന പ്രസിഡന്റ് സി അബ്ദുല്‍ ഹമീദ് അഭ്യര്‍ഥിച്ചു.
കനത്ത മഴയെത്തുടര്‍ന്നുണ്ടായ പ്രളയംമൂലം ചെന്നൈ നഗരത്തിലെയും പ്രാന്തപ്രദേശങ്ങളിലെയും ജനങ്ങള്‍ വിവരണാതീതമായ ദുരിതം നേരിടുകയാണ്. കെട്ടിടങ്ങളും വീടുകളും പ്രളയജലത്തില്‍ മുങ്ങി വന്‍ നാശനഷ്ടങ്ങളാണ് സംഭവിച്ചിരിക്കുന്നത്. പുനരധിവാസവും ഭക്ഷണവും വസ്ത്രങ്ങളും ജനങ്ങള്‍ക്ക് അടിയന്തരമായി നല്‍കേണ്ടതുണ്ട്. പ്രളയക്കെടുതിയുടെ ഫലമായി പകര്‍ച്ചവ്യാധികള്‍ തടയുന്നതുള്‍പ്പെടെ വൈദ്യസഹായവും മരുന്നുകളും ലഭ്യമാക്കുകയും വേണം.
പോപുലര്‍ ഫ്രണ്ടിന്റെ തമിഴ്‌നാട് ഘടകം ദുരിതാശ്വാസ പ്രവര്‍ത്തനരംഗത്ത് സജീവമായുണ്ടെന്നും സി അബ്ദുല്‍ ഹമീദ് വാര്‍ത്താകുറിപ്പില്‍ അറിയിച്ചു.
സിന്‍ഡിക്കേറ്റ് ബാങ്കിന്റെ കോഴിക്കോട് മാവൂര്‍ റോഡ് ബ്രാഞ്ച് 44051010004277 (IFSC: SYNB 0004405) എന്ന പോപുലര്‍ ഫ്രണ്ട് അക്കൗണ്ടിലും സംഭാവന അയക്കാവുന്നതാണ്.