ചിത്രകാരനും ശില്പിയുമായ അശാന്തന് അന്തരിച്ചു
BY kasim kzm1 Feb 2018 3:11 AM GMT
kasim kzm1 Feb 2018 3:11 AM GMT
കൊച്ചി: ചിത്രകാരനും ശില്പിയുമായ അശാന്തന് (മഹേഷ് -50) അന്തരിച്ചു. ഹൃദയാഘാതംമൂലം എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം. സംസ്കാരം ഇടപ്പള്ളി ശ്മശാനത്തില് നടത്തി. പോണേക്കര പീലിയാട് തമ്പില് പരേതരായ കുട്ടപ്പന്റെയും കുറുമ്പയുടെയും മകനായ അശാന്തന് (മഹേഷ്) ഫോര്ട്ട്കൊച്ചി ഏക ആര്ട്ട് ഗാലറിയിലെയും ഇടപ്പള്ളി ചങ്ങമ്പുഴ സ്മാരക ഗ്രന്ഥശാലയിലെയും ചിത്രകലാ, വാസ്തുകലാ അധ്യാപകനായിരുന്നു. 1998, 99, 2007 വര്ഷങ്ങളിലെ കേരള ലളിതകലാ അക്കാദമി അവാര്ഡുകളും പ്രഥമ സി എന് കരുണാകരന് സ്മാരക അവാര്ഡും ഉള്പ്പെടെ നിരവധി പുരസ്കാരങ്ങള് ലഭിച്ചിട്ടുണ്ട്. വിദേശങ്ങളിലുള്പ്പെടെ 200ലേറെ ചിത്രപ്രദര്ശനങ്ങള് നടത്തി. അമച്വര് നാടകരംഗത്തും പ്രവര്ത്തിച്ചിട്ടുള്ള അശാന്തന്(മഹേഷ്) നാടക സംവിധാനവും അഭിനയവും കലാസംവിധാനവും നിര്വഹിച്ചിട്ടുണ്ട്. ചങ്ങമ്പുഴയുടെ രമണന് പെന്സില് സ്കെച്ചുകളിലൂടെ ചിത്രരൂപത്തിലാക്കി വരുന്നതിനിടെയാണ് അന്ത്യം. കേരളത്തിലെ മണ്മറഞ്ഞതുള്െപ്പടെയുള്ള കാര്ഷിക ഗ്രാമീണ ഉപകരണങ്ങളെക്കുറിച്ചുള്ള സചിത്ര ഗ്രന്ഥത്തിന്റെ രചനയിലുമായിരുന്നു അശാന്തന്. മോളിയാണ് ഭാര്യ. ഇന്നലെ ദര്ബാര് ഹാള് കലാകേന്ദ്രത്തില് പൊതുദര്ശനത്തിനു വച്ച മൃതദേഹത്തില് സമൂഹത്തിന്റെ നാനാ തുറകളില് നിന്നുള്ള നിരവധി പേര് ആദരാഞ്ജലി അര്പ്പിച്ചു. അനുശോചനയോഗത്തില് സിപിഎം ജില്ലാ സെക്രട്ടറി പി രാജീവ്, കേരള ലളിതകലാ അക്കാദമി സെക്രട്ടറി പൊന്ന്യം ചന്ദ്രന്, കലാനിരൂപകന് എം എല് ജോണി, ടി കലാധരന് സംസാരിച്ചു.
Next Story
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT