ചികില്‍സാ ചെലവ് സര്‍ക്കാര്‍ വഹിക്കും

തിരുവനന്തപുരം: നിപാ വൈറസ്ബാധയേറ്റ എല്ലാവരുടെയും ചികില്‍സാ ചെലവ് പൂര്‍ണമായും സര്‍ക്കാര്‍ വഹിക്കുമെന്ന് ആരോഗ്യമന്ത്രി കെ കെ ശൈലജ. നാളെ ഉച്ചയ്ക്കു രണ്ടിന് മന്ത്രിമാരായ ശൈലജ, ടി പി രാമകൃഷ്ണന്‍, എ കെ ശശീന്ദ്രന്‍ എന്നിവരുടെ നേതൃത്വത്തിലാണ് സര്‍വകക്ഷിയോഗം വിളിക്കുക. എംപിമാര്‍, എംഎല്‍എമാര്‍, മറ്റു ജനപ്രതിനിധികള്‍, വിവിധ രാഷ്ട്രീയകക്ഷി നേതാക്കള്‍ പങ്കെടുക്കും.
അന്നേദിവസം വൈകീട്ട് നാലിന് പഞ്ചായത്ത് പ്രസിഡന്റുമാര്‍, ആരോഗ്യ വിദഗ്ധര്‍ എന്നിവരുടെ യോഗവും ചേരുമെന്ന് മന്ത്രി അറിയിച്ചു.