ചാരവൃത്തി ആരോപിച്ച് മലയാളിയായ മുന്‍ എയര്‍ഫോഴ്‌സ് ഉദ്യോഗസ്ഥനെ അറസ്റ്റുചെയ്തു

ന്യൂഡല്‍ഹി : പാകിസ്താന്‍ ചാരസംഘടനയായ ഐ എസ് ഐയ്ക്ക്് വേണ്ടി ചാരപ്രവൃത്തി നടത്തിയെന്നാരോപിച്ച് ഇന്ത്യന്‍ വ്യോമസേനയിലെ മലയാളിയായ ഒരു മുന്‍ ഉദ്യോഗസ്ഥനെ ഡല്‍ഹി പോലിസ് ക്രൈം ബ്രാഞ്ച് അറസ്റ്റു ചെയ്തു. പഞ്ചാബില്‍ എയര്‍ക്രാഫ്്റ്റ്മാന്‍ ആയി ജോലി ചെയ്തിരുന്ന രഞ്ജിത് എന്നയാളെയാണ് ഭട്ടിണ്ടയില്‍ വച്ച്് പോലിസ് അറസ്റ്റ് ചെയ്തത്.  ഈ മാസമാദ്യം ഇയാളെ ജോലിയില്‍ നിന്നു പിരിച്ചുവിട്ടിരുന്നു. നിര്‍ണായകവിവരങ്ങള്‍ ചോര്‍ത്തുന്നതായി സംശയം തോന്നിയതിനെത്തുടര്‍ന്നായിരുന്നു പിരിച്ചുവിടല്‍.
അതിര്‍ത്തി പ്രദേശങ്ങളിലെ സൈനിക വിന്യാസമുള്‍പ്പടെയുള്ള കാര്യങ്ങള്‍ ഇയാള്‍ ചോര്‍ത്തിയെന്നാണ് പോലിസ് പറയുന്നത്്. ഇയാളുടെ അറസ്റ്റോടെ വലിയൊരു ചാരശൃംഖല കൂടി തകര്‍ക്കാന്‍ സാധിച്ചതായാണ് പോലിസ് അറിയിച്ചത്്.