ഗാര്ഹിക പീഡനം : പരാതി നല്കിയ യുവതി വനിതാ കമ്മീഷന് സിറ്റിങ്ങില് പ്രതികൂട്ടില്
BY fousiya sidheek1 Jun 2017 5:50 AM GMT
fousiya sidheek1 Jun 2017 5:50 AM GMT
കൊച്ചി: ഗാര്ഹിക പീഢനം സംബന്ധിച്ച് വനിതാ കമ്മീഷന് മുമ്പാകെ പരാതി നല്കിയ യുവതി സിറ്റിങ് നടന്നപ്പോള് പ്രതികൂട്ടിലായി. ആലുവ സ്വദേശിനിയാണ് ഭര്ത്താവിന്റെ അച്ഛനും അമ്മയ്ക്കുമെതിരെ കമ്മിഷനില് പരാതി നല്കിയിരുന്നത്. ഇന്നലെ നടന്ന സിറ്റിങ്ങില് പരാതിക്കാരി ഹാജരായില്ല. എന്നാല് എതിര്കക്ഷികള് കൃത്യമായി ഹാജരാകുകയും ചെയ്തു. നടക്കാന് പോലും വയ്യാത്ത അച്ഛനെയും അമ്മയെയും മകനാണു ഹാജരാക്കിയത്. മരുമകള് പട്ടിക കൊണ്ട് തലയ്ക്കടിച്ചതിന്റെയും പട്ടിണിക്കിട്ടതിന്റെയുമെല്ലാം കഥകള് ഇവര് വിവരിച്ചപ്പോഴാണ് ആദ്യം ലഭിച്ച പരാതിയെക്കുറിച്ചു വനിതാ കമ്മിഷനു സംശയമുണ്ടായത്. തുടര്ന്ന് എതിര്കക്ഷികളോട് ഇനി ഹാജരാവേണ്ടെന്നു നിര്ദേശിച്ച കമ്മിഷന് പരാതിക്കാരിയോട് അടുത്ത സിറ്റിങ്ങില് ഹാജരാവാന് ആവശ്യപ്പെട്ടു. ഇന്നലെ എറണാകുളത്ത് നടന്ന സംസ്ഥാന വനിതാ കമ്മിഷന് പരിഗണിച്ച കേസുകളില് അധികവും ജോലിസ്ഥലത്ത് പീഡനങ്ങള് സംബന്ധിച്ചുള്ളവയായിരുന്നു. വനിതകളുടെ പ്രശ്നങ്ങള് കേള്ക്കാന് ജോലി സ്ഥലത്തു രൂപീകരിച്ചിരിക്കുന്ന കമ്മിറ്റികള്ക്കു പരാതി നല്കിയശേഷം വേണം വനിതാ കമ്മിഷനെ സമീപിക്കാനെന്നു കമ്മിഷന് നിര്ദേശിച്ചു. ഇന്നലെ നടന്ന അദാലത്തില് തൊണ്ണൂറ് പരാതികളാണ് പരിഗണിച്ചത്. ഇതില് 13 എണ്ണത്തിന്മേല് റിപോര്ട്ട് ആവശ്യപ്പെട്ടു. നാല് പരാതികള് കൗണ്സലിങ്ങിനായി വിട്ടു. നാല് പരാതിയില് ആര്ഡിഒയുടെ റിപോര്ട്ട് ആവശ്യപ്പെട്ടു. കമ്മിഷന് അംഗം ഡോ. ലിസി ജോസ്, ഡയറക്ടര് കെ യു കുര്യാക്കോസ്, വനിതാ സെല് എസ്ഐ സോന് മേരി പോള് സിറ്റിങ്ങില് പങ്കെടുത്തു.
Next Story
RELATED STORIES
ഇഷാ ഫൗണ്ടേഷനെതിരേ പരാതി; ആറുപേരെ കാണാതായെന്ന് പോലിസ്;...
28 March 2024 5:08 AM GMTവി ജോയിയുടെ പോസ്റ്റര് നശിപ്പിച്ച തര്ക്കം; ഡിവൈഎഫ്ഐ പ്രവര്ത്തകനെ...
28 March 2024 4:55 AM GMTകണ്ണൂരില് മൂന്ന് സിപിഎം പ്രവര്ത്തകര്ക്ക് വെട്ടേറ്റു
25 March 2024 5:25 AM GMTആര്എല്വി രാമകൃഷ്ണനെ അധിക്ഷേപിച്ച സംഭവം; 10 ദിവസത്തിനകം റിപ്പോര്ട്ട് ...
24 March 2024 6:30 AM GMTചേറ്റുകുഴിയില് കാറും കെഎസ്ആര്ടിസിയും കൂട്ടിയിടിച്ച് ആറ് വയസുകാരി...
24 March 2024 5:08 AM GMTലോറിയില്നിന്ന് കരിങ്കല്ല് തെറിച്ചുവീണ് സ്കൂട്ടര് യാത്രികന് മരിച്ചു
19 March 2024 8:43 AM GMT