കോണ്‍ഗ്രസ്സിലുള്ള മുസ്‌ലിംകള്‍ കൊലപാതകികളെന്ന് ബിജെപി നേതാവ്

ബംഗളൂരു: മുസ്‌ലിംകള്‍ക്കെതിരേ വിവാദ പരാമര്‍ശവുമായി ബിജെപി നേതാവ്. ബിജെപിയെ പിന്തുണയ്ക്കുന്ന മുസ്്‌ലിംകള്‍ നല്ലവരും കോണ്‍ഗ്രസ്സിനൊപ്പം നില്‍ക്കുന്ന മുസ്‌ലിംകള്‍ കൊലപതകികളുമാണെന്ന പരാമര്‍ശമാണ് ബിജെപി നേതാവും എംഎല്‍സിയുമായ കെ എസ് ഈശ്വരപ്പ നടത്തിയത്. കര്‍ണാടകയിലെ തുമു—കുരുവില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു ഈശ്വരപ്പ .22ഓളം ആര്‍എസ്എസ്-ബിജെപി പ്രവര്‍ത്തകരെ കൊലപ്പെടുത്തിയ മുസ്്‌ലിംകള്‍ കോണ്‍ഗ്രസ്സിനോടൊപ്പമാണുള്ളത്. ഭരണത്തിലിരുന്നപ്പോള്‍ ചെയ്ത വികസന പ്രവര്‍ത്തനങ്ങളെക്കുറിച്ചൊന്നും പറയാനില്ലാത്തതുകൊണ്ടാണ് കോണ്‍ഗ്രസ് ജാതിയുടെയും മതത്തിന്റെയും പേരില്‍ ജനങ്ങളെ വിഭജിക്കാന്‍ ശ്രമിക്കുന്നതെന്നും ഈശ്വരപ്പ ആരോപിച്ചു. തനിക്ക് വധഭീഷണിയുണ്ടെന്ന് അറിയിച്ചിട്ടും മുഖ്യമന്ത്രിയും ആഭ്യന്തരമന്ത്രിയും ഗൗരവമായി എടുത്തില്ലെന്നും ഈശ്വരപ്പ കൂട്ടിച്ചേര്‍ത്തു.