കൊല്ലം വെടിക്കെട്ട് ദുരന്തം വന്ന വഴി
BY swapna en10 April 2016 10:59 AM GMT
X
swapna en10 April 2016 10:59 AM GMT
[related]
കൊല്ലം: കേരളത്തിലെ ഏറ്റവും വലിയ മൂന്നാമത്തെ വെടിക്കെട്ട് നടക്കുന്ന ക്ഷേത്രമാണ് കൊല്ലം പരവൂര് പൂറ്റിങ്ങല് ദേവീ ക്ഷേത്രം. ജില്ലാ ഭരണകൂടം അനുമതി നിഷേധിച്ചിട്ടും ആചാരങ്ങളുടെ ഭാഗമാണെന്ന് പറഞ്ഞാണ് ക്ഷേത്ര കമ്മിറ്റി വെടിക്കെട്ട് നടത്തിയത്. വെടിക്കെട്ട് മല്സരം ഉണ്ടായിരിക്കുമെന്ന് പ്രത്യേകം നോട്ടിസും അടിച്ചിരുന്നു. രണ്ടു പ്രാദേശിക സംഘങ്ങള് തമ്മിലുള്ള വെടിക്കെട്ട് മല്സരമാണ് അപകടത്തിലേക്ക് നയിച്ചത്.
വര്ക്കല കൃഷ്ണന് കുട്ടി, കഴക്കൂട്ടം സുരേന്ദ്രന് എന്നിവരുടെ നേതൃത്വത്തിലുള്ള സംഘമാണ് വെടിക്കെട്ട് നടത്തിയത്. കഴക്കൂട്ടം സുരേന്ദ്രന് അനുമതിയില്ലാതെയാണ് വെടിക്കെട്ട് നടത്തിയത്. ഇയാളുടെ വെടിക്കെട്ട് സാമഗ്രികള് ഓട്ടോയില് എത്തിച്ച് കമ്പപ്പുരയിലേക്ക് മാറ്റുന്നതിനിടെയാണ് അപകടം. ശനിയാഴ്ച രാത്രി പന്ത്രണ്ടരയോടെയാണ് വെടിക്കെട്ട് തുടങ്ങിയത്. പുലര്ച്ചെ മൂന്നരയോടെ പോലിസ് വെടിക്കെട്ട് അവസാനിപ്പിക്കാന് കമ്മിറ്റി ഭാരവാഹികളോട് നിര്ദ്ദേശിച്ചിരുന്നു. ഈ നിര്ദ്ദേശം വെടിക്കെട്ട് കരാറുകാര്ക്ക് നല്കുന്നതിന് തൊട്ടുമുമ്പാണ് അപകടം.
കമ്പപ്പുരയില് നിന്ന് വെടിക്കെട്ട് സാമഗ്രികള് മൈതാനത്തേക്ക് കൊണ്ടുപോകവെ തൊഴിലാളികള്ക്കിടയിലേക്ക് സൂര്യകാന്തി എന്നുപേരുള്ള ഒരു തരം അമിട്ട് ലക്ഷ്യം തെറ്റി വീഴുകയായിരുന്നു. തുടര്ന്ന് നടന്ന സ്ഫോടനത്തില് അമിട്ടിന്റെ ചീളുകള് വീണ് കമ്പപ്പുരയ്ക്ക് തീപ്പിടിച്ച് തുടര്സ്ഫോടനങ്ങള് ഉണ്ടാവുകയായിരുന്നു. സമീപത്തെ ദേവസ്വം ബോര്ഡ് കെട്ടിടം പൂര്ണ്ണമായും തകര്ന്നു. അടുത്തുള്ള 30 വീടുകള്ക്ക് നാശനഷ്ടം ഉണ്ടായി.
ക്ഷേത്രം കമ്മിറ്റി ഭാരവാഹികളുടെയും നാട്ടുകാരുടെയും നിര്ബന്ധമായിരുന്നു വെടിക്കെട്ട് മല്സരം. ഒടുവില് മല്സരം ചെന്നെത്തിച്ചത് 100ലേറെ പേരുടെ ജീവിനില് അവസാനിച്ച്.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT