കൊലപാതകക്കേസിലെ പ്രതി മോഷണശ്രമത്തിനിടെ പിടിയില്‍

ചങ്ങനാശ്ശേരി: കൊലപാതകമടക്കം നിരവധി കേസിലെ പ്രതിയായ ആളെ മോഷണ ശ്രമത്തിനിടയില്‍ നാട്ടുകാരുടെ സഹകരണത്തോടെ തൃക്കൊടിത്താനം പോലിസ് അറസ്റ്റ് ചെയ്തു. ആലപ്പുഴ കൈനകരി അത്തിത്തറ ജെനീഷ് (34) ആണ് ക്ഷേത്രത്തില്‍ മോഷണം നടത്തുന്നതിനിടയില്‍ പിടിയിലായത്. നിലവില്‍ നാലു കഞ്ചാവ് കേസിലും നിരവധി മോഷണകേസിലും ക്രിമിനല്‍ കേസിലും ഇയാള്‍ പ്രതിയാണെന്നു എസ്‌ഐ റിച്ചാര്‍ഡ് വര്‍ഗീസ് പറഞ്ഞു. ഇന്നലെ പുലര്‍ച്ചെ തൃക്കൊടിത്താനത്തെ ഒരു ക്ഷേത്രത്തിലെ വിളക്കുകളും വിലപിടിപ്പുള്ള ഓട്ടുപാത്രങ്ങളും മറ്റും മോഷ്ടിച്ചു രക്ഷപ്പെടാന്‍ ശ്രമിക്കുന്നതിനിടയിടില്‍ നാട്ടുകാര്‍ തടഞ്ഞുവച്ച് പോലിസിനെ അറിയിക്കുകയായിരുന്നു.