കൈയേറ്റം: ട്രൈബ്യൂണല് ഉടന് വേണമെന്ന് ദേവസ്വം ബോര്ഡ്
BY fousiya sidheek14 Jun 2017 4:36 AM GMT
fousiya sidheek14 Jun 2017 4:36 AM GMT
കോട്ടയം: ദേവസ്വം ഭൂമിയിലെ കൈയേറ്റമൊഴിപ്പിക്കല് നടപടികള് ഫലപ്രദമായി നടത്തുന്നതിനും നഷ്ടമായ ദേവസ്വം ഭൂമി വീണ്ടെടുക്കുന്നതിനും എത്രയുംവേഗം ദേവസ്വം ട്രൈബ്യൂണല് രൂപീകരിക്കണമെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് പ്രയാര് ഗോപാലകൃഷ്ണന്. ട്രൈബ്യൂണലെടുക്കുന്ന തീരുമാനങ്ങള് കോടതികളില് ചോദ്യംചെയ്യാനാവാത്ത തരത്തില് ജുഡീഷ്യല് അധികാരങ്ങളോടുകൂടിയ ട്രൈബ്യൂണലാവണം രൂപീകരിക്കേണ്ടത്. അടുത്ത നിയമസഭാ സമ്മേളനത്തില് ഇതുസംബന്ധിച്ച് നിയമനിര്മാണമുണ്ടാവണം. ഇക്കാര്യം ചൂണ്ടിക്കാട്ടി സര്ക്കാരിന് കത്തു നല്കിയിട്ടുണ്ടെന്നും അദ്ദേഹം വാര്ത്താസമ്മേളനത്തില് അറിയിച്ചു. ദേവസ്വംബോര്ഡിന്റെ അധീനതയിലുള്ള 700 ക്ഷേത്രങ്ങളിലെ 7,500 ഓളം ഏക്കര് ഭൂമി അനധികൃതമായി കൈയേറിയിരിക്കുകയാണ്. ഹാരിസണ് മലയാളം പ്ലാന്റേഷന് അനധികൃതമായി കൈവശപ്പെടുത്തിയ എരുമേലി ദേവസ്വം, പശ്ചിമദേവസ്വം, ചെറുവള്ളി ദേവസ്വം എന്നിവയുടെ ഭൂമി തിരികെ ലഭിക്കണം. ഹാരിസണ് അനധികൃതമായി ദേവസ്വം ഭൂമി കൈവശംവച്ചിരിക്കുകയാണെന്ന് സ്പെഷ്യല് ഓഫിസര് രാജമാണിക്യത്തിന്റെ റിപോര്ട്ടില് വ്യക്തമാക്കിയിട്ടുണ്ട്. എന്നാല്, റിപോര്ട്ടിന് നിയമസാധുതയില്ലെന്നാണ് നിയമവകുപ്പിന്റെ നിലപാട്. ഈ സാഹചര്യത്തില് രാജമാണിക്യം റിപോര്ട്ട് നടപ്പാക്കി ദേവസ്വം ഭൂമി തിരിച്ചുപിടിക്കുന്നതിന് സര്ക്കാരിന്റെ ഭാഗത്തുനിന്ന് അടിയന്തര നടപടിയുണ്ടാവണമെന്ന് അദ്ദേഹം ആവശ്യപ്പെട്ടു.
Next Story
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT